Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Një nga fytyrat e skllavërisë moderne:

Pandemia rrit rrezikun e shfrytëzimit të punës

Në 24% të rasteve të trafikimit të njerëzve, gjithçka fillon me një shpallje të rreme pune

Foto: pixabay

Sot në botë ka më shumë skllevër se në çdo kohë tjetër në historinë njerëzore. Këtë e dëshmojnë dhe të dhënat e Organizatës Ndërkombëtare të Punës të Kombeve të Bashkuara nga viti 2021, sipas të cilave më shumë se 25 milionë njerëz jetojnë në një formë të skllavërisë moderne dhe të punës së detyruar. Dhe nëse gjatë 2 vjetëve të fundit në fokus janë anti-Covid masat të cilat na janë imponuar, të cilat e kufizojnë lirinë tonë personale në mënyra të ndryshme, ka milionë njerëz të privuar nga aftësia për të vepruar sipas nevojave të tyre.Qytetarë pa të drejta, të bllokuar në skllavërinë moderne – trafikimin e qenieve njerëzore.

Bullgaria është një vend burim i viktimave të trafikimit të qenieve njerëzore. Sipas studimeve të ndryshme, shteti ynë e ndan vendin e parë për nga eksporti i viktimave të trafikut të njerëzve për frymë të popullsisë me Rumaninë, vuri në dukje përpara Radios Kombëtare Bullgare Martin Stefanov, përfaqësues i Fondacionit “A21–Bullgaria”. Organizata globale joqeveritare ka zyra të vet në 14 shtete nëpër të gjithë botën, kurse në Bullgari tanimë 9 vjet punon për parandalimin e trafikimit të njerëzve dhe në përkrahje të viktimave të tij. Një problem gjithnjë e më serioz botëror është shfrytëzimi i punës, mendojnë punonjësit në sferë. “Nuk ka racë, moshë, gjini, arsim ose status social, i cili të na garantojë se neve kjo nuk do të na ndodhë” - thotë Stefanov. Dhe saktëson se metodat e “seleksionimit” janë kaq të shumta dhe kaq shpikëse, se madje vetë specialistët mbeten ndonjëherë të habitur nga rastet që hasin.


Duke qenë se prekshmëria jonë në këtë moment ndaj pandemisë është shumë herë më e madhe sesa në kohët normale ekonomike, rreziku i trafikimit të qenieve njerëzore është shumë më i lartë. Kur ke humbur punën që ke pasur, kur je në izolim dhe nuk di se çfarë do të bësh pasi të përfundojë kjo situatë, njeriu është shumë më i prirur të gënjehet me diçka që i ofrohet si një rrugëdalje. Në pjesën më të madhe të rasteve bëhet fjalë për njerëz në moshë 40,50 vjeç, të cilët janë të shtrënguar nga rrethanat. Zakonisht propozime të tilla për punë vijnë nga jashtë. Ato tingëllojnë në mënyrë shumë tërheqëse dhe në pjesën më të madhe të rasteve njeriu bie në grackën e shfrytëzimit dhe të mos largimit të lirë. Prandaj në këtë moment është jashtëzakonisht e rëndësishme që njerëzit të jenë shumë të vëmendshëm se cilave shpalljesh për punë u besojnë”- sqaron Stefanov.

Gjatë vitit të fundit nga tetë ofertat për punë të kontrolluara nga fondacioni, shtatë kanë dalë rrezikuese dhe të falsifikuara. Këto shpallje vijnë më tepër nga Facebook, tregon përpara Radios Kombëtare Bullgare shefja e linjës antitrafik të fondacionit, e cila mban sekret emrat e saj për arsye sigurie - sepse, sipas fjalëve të saj, veprimtaria e fondacionit u pengon njerëzve me një ndikim mjaft të madh. Dhe saktëson se çdonjëri mund të drejtohet për ndihmë përmes Linjës Kombëtare të telefonit 0800 20 100. Sinjale pranohen ditë e natë nga çdo një vend në Bashkimin Evropian. Përveç kësaj përmes një telefonimi në linjën pa pagesë mund të kontrollojmë ndonjë punëdhënës të mundshëm ose të ndajmë përvojë.


“Njerëzit në Bullgari nganjëherë janë aq të dëshpëruar dhe kanë nevojë për punë saqë nuk arrijnë të shohin shenja të dukshme mashtrimi...Statistika e linjës së nxehtë nga viti i kaluar tregon se në 24% të rasteve të trafikut të njerëzve çdo gjë ka filluar me një shpallje të falsifikuar për punë. Statistika globale tregon se vetëm 1% e viktimave të trafikut mund të shpëtohen” - thotë drejtuesja e linjës së zjarrtë. Sipas fjalëve të saj, meshkujt pohojnë më vështirë se janë bërë viktimë të trafikut, por, kur bëhet fjalë për një eksploatim pune, ata janë një grup i cenuar fortë.

Dhe pavarësisht se përvoja e ekspertëve është e lidhur me punë nga Bullgaria, ata nënvizojnë se trafiku i njerëzve me qëllim eksploatimin pune është një problem me kufij të gjerë dhe fytyra të ndryshme. Shpëtimi është informimi dhe kujdesi më i madh, kurse një nga gjërat më të rëndësishme, të cilat nuk duhet të harrojmë është se asnjë punëdhënës nuk ka të drejtë të marrë ose të mbajë dokumentet tona personale dhe të pengojë ndërprerjen e marrëdhënieve tona.

Përpiloi: Vesella Krësteva /në bazë të intervistave të Ljubomira Konstantinovës, BNR -“Hristo Botev”/

Përgatiti në shqip: Nataniela Vasileva

Foto: pixabay, EPA/BGNES


Последвайте ни и в Google News Showcase, за да научите най-важното от деня!

Më shumë nga rubrika

Mbi 900 fëmijë në vendin tonë janë në pritje të prindërve birësues, është dyfishuar numri i atyre që duan të birësojnë

Në fillim të këtij viti më shumë se 1600 familje kanë treguar gatishmëri për të birësuar një fëmijë dhe numri i fëmijëve për të cilët janë kërkuar birësues të përshtatshëm ka qenë pak më shumë se 900. Sipas të dhënave të Agjencisë së Ndihmës..

botuar më 24-03-28 8.54.PD
Doc. Iskren Ivanov

Doc. Iskren Ivanov: Bankierët kanë frikë se do të shpallen emrat e evropianëve me ndikim që ndihmuan dhe po e ndihmojnë Moskën

Një konsensus parimor se si të ndihmohet Ukraina për të blerë armë dhe municione - kjo është ajo që liderët evropianë arritën në Këshillin e fundit Evropian. Ose paratë të vijnë nga të ardhurat e grumbulluara nga asetet ruse të “ngrira” për..

botuar më 24-03-27 7.55.MD

Qeveria ndau fonde për komunitetet bullgare në regjion

Këshilli i Ministrave miratoi dhe ndau fonde deri në 2 100 000 leva në kuadër të Programit për të mbështetur organizatat e komuniteteve bullgare në Shqipëri, Serbi, Kasovë, Ukrainë dhe Moldavi dhe për qytetarët e Republikës së Maqedonisë së Veriut..

botuar më 24-03-27 4.49.MD