Një moment i jashtëzakonshëm nga historia e qytetit të Plovdivit ruhet në ndërtesën qendrore të Universitetit të Plovdivit "Paisij Hilendarski". Atje është gjendur shtëpia e një prej institucioneve arsimore më prestigjioze në vend në shekullin e 19-të - Kolegji Francez i Burrave. Ai e ka pasur emrin "Shën Augustin” dhe është themeluar nga francezë që kanë banuar në Plovdiv. Prej aty nis turi i parë turistik i guides Ekaterina Terzieva, me titullin e bukur “Bonjour, Mon Amour, o Plovdiv”. Qëllimi i tij është të tregojë historinë, kulturën, arkitekturën dhe traditat e diasporës franceze në Plovdiv që nga vendosja e saj në qytet dy shekuj më parë, deri në ditët e sotme.
Prania franceze në Plovdiv i çon turistët në shtëpinë e zëvendëskonsullit Charles Champoiseau. Në vitin 1858 ai arriti të shpëtojë qytetin tonë nga djegia dhe për shkak të interesave të tij në fushën e arkeologjisë në vitin 1862 Champoiseau mori pjesë në gërmimet në ishullin Samothrake, ku zbuloi statujën madhështore të perëndeshës Nike. Deri më sot, kjo gjetje e lashtë ruhet në një vend të shquar në Luvër.
Poeti dhe udhëtari i madh francez Alphonse de Lamartine, i cili e vizitoi qytetin e vjetër në shekullin e 19-të, gjithashtu ka lënë një gjurmë në historinë kulturore të Plovdivit. Sot në Xhambaz Tepe po ndodhet një shtëpi me emrin e tij, që ruan kujtimin për poetin e madh. Edhe pse aktualisht ajo është e mbyllur për riparime dhe restaurime, pamja e saj tërheq vëmendjen dhe me pak imagjinatë do ta krahasonim me një zog që i ka hapur krahët në kodrën e qytetit.
Përgatiti në shqip: Vesella Mançeva
Ditën e sotme më 12 mars 2024, në orën 17:00, në ambientet e vilës ''Sofja'', në rrugën ''Medar Shtylla'' në qytetin e Tiranës do të zhvillohet promovimi i librit të mjekut reumatolog Zlatimir Kolarov. Romani i tij i fundit i titulluar ''Në sipërfaqen e..
Interpretuesit bullgarë dhe të huaj të gajdes, si dhe mësuesit e këtij instrumenti tradicional, takohen në Plovdiv nga 8 deri më 10 mars. Kjo është një nga nismat në vendin tonë kushtuar Ditës Ndërkombëtare të Gajdes - 10 Marsit. Fillimi i festës së..
Për të treguar natyrën e shumëllojshme të gruas, artistja Johana Trajanova përdor forma botanike, të cilat i rikrijon me aftësi fotografike. Rrëfimi i saj është alegorik – tërheq shikuesin, duke e bërë atë pjesëmarrës aktiv. “Abstrakti dhe arti im..
Bozhana Sllavkova fitoi konkursin më të madh ndërkombëtar të poezisë "Mili Dueli", duke qenë autorja e parë bullgare që fitoi çmimin e madh. Në..