Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Radio Bullgaria fitoi çmimin e madh për kontribut të rëndësishëm në zhvillimin e Radios Kombëtare Bullgare

Krasimir Martinov dhe Milen Mitev
Foto: Radio Bullgaria

Programi i përditshëm “Bulgaria Sot” të Radio Bullgarisë, i cili transmetohet në nëntë gjuhë, u dallua me çmimin e madh për kontribut të rëndësishëm në zhvillimin e Radios Kombëtare Bullgare. Çmimi vjetor “Sirak Skitnik” në emër të Drejtorit të parë të Radio Sofjes jepet që nga viti 2001 për një kontribut të rëndësishëm në zhvillimin e Radios Kombëtare Bullgare si media publike.

“Për më shumë se 85 vjet ne formojmë imazhin e Bullgarisë në mbarë botën, duke komunikuar me bashkatdhetarët tanë jashtë vendit dhe duke u përpjekur të promovojmë anë e mbanë botës kulturën dhe frymën bullgare në mënyrën më të mirë të mundshme”, tha Krasimir Martinov, Kryeredaktor i Radio Bullgaria pas dorëzimit të çmimit. Ai theksoi se në Radio Bullgarinë punojnë disa nga gazetarët më të mirë dhe specialistët e gjuhëve të huaja me kualifikim të lartë.

Në ceremoninë në Studion e Parë të Radios Kombëtare Bullgare, Drejtori i Përgjithshëm Milen Mitev tha se viti i kaluar ishte i mbushur me sfida. “Sot jam optimist për të ardhmen e BNR-së, pasi shoh që ka ende njerëz që punojnë jo për një rrogë, por për një kauzë, shoh që ka shumë duar të shtrira që e mbështesin këtë kauzë”, shtoi ai.

Çmimi individual për gazetari radiofonike iu dha gazetares Lilia Goleminova nga Radio Sofja, kurse çmimin kolektiv e fitoi seria e programeve “Historia e artit për fëmijë” të Programit “Hristo Botev”. Radio Bullgaria mori pjesë në këto dy kategori me nominime – të gazetares Veneta Nikolova dhe të rubrikës dhe podkastit të përbashkët me Programin “Horizonti” - “Atdheu jashtë vendit”.

Ceremonia vjetore e ndarjes së çmimeve u nderua nga të ftuar të shumtë, ndër të cilët edhe Nënpresidentja Ilijana Jotova, e cila dorëzoi një nga çmimet.




Последвайте ни и в Google News Showcase, за да научите най-важното от деня!

Më shumë nga rubrika

Bullgaria sot – 7 mars 2024

Në këtë program më parë mund të dëgjoni lajmet e ditës. Në Sofje u prezantua përkthimi i librit "Boksieri nga Nova Mahalla" nga autori maqedonas Vlladimir Pllavevski. Lidhur me këtë ju ofrojmë intervistën me përkthyesin Marijan Petrov, sipas të..

botuar më 24-03-07 3.00.MD

Bullgaria sot – 6 mars 2024

Në këtë program më parë mund të dëgjoni lajmet e ditës. Në rubrikën tonë të përditshme Kënga e ditës do të dëgjoni këngën "Fjalë pa gënjeshtra” të grupit B.T.R. Ju urojmë minuta të këndshme! 01:33 - Lajme 10:52 - Kënga e ditës

botuar më 24-03-06 3.00.MD

Bullgaria sot – 5 mars 2024

Në këtë program më parë mund të dëgjoni lajmet e ditës. Në rubrikën tonë të përditshme Kënga e ditës do të dëgjoni këngën "Më jep dashuri” të interpretuar nga Hristijana Dankova dhe Kristijan Jankullov. Ju urojmë minuta të këndshme! • 01:40 - Lajme..

botuar më 24-03-05 3.00.MD