Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Bullgaria do të përdorë të gjitha mundësitë për të zgjidhur konfliktin NATO-Rusi në mënyrë paqësore

| rinovuar më 22-01-26 6.11.MD
Kryeministri Petkov
Foto: BGNES

Gjatë një seance të jashtëzakonshme të Kuvendit Popullor, Kryeministri Kirill Petkov vuri në dukje se ulja e tensioneve është një përparësi kryesore për qeverinë bullgare. Kërkesa për të dëgjuar Kryeministrin dhe ministrat e punëve të jashtme dhe të mbrojtjes po ndodh në një kohë të konfrontimit në rritje mes NATO-s dhe Rusisë. “Që në fillim kemi deklaruar se do të jemi një aleat konstruktiv në NATO, një anëtar i BE-së dhe qëndrimi ynë është shprehur qartë - Bullgaria është dhe do të jetë një aleat i përgjegjshëm me një pozicion të parashikueshëm”, tha kryeministri.

Më herët sot Këshilli i Ministrave vendosi t'i japë përparësi strategjisë bullgare për uljen e tensioneve ndërmjet NATO-s dhe Federatës Ruse, si dhe të shfrytëzojë të gjitha mundësitë për zgjidhjen e këtij konflikti përmes kanaleve diplomatike, njofton BTA. Pas mbledhjes së sotme të qeverisë, në të cilën u dëgjua raporti i Ministrit të Mbrojtjes për situatën NATO-Rusi, Kryeministri Kirill Petkov njoftoi se strategjia bullgare e mbrojtjes do të bazohet në ushtrinë bullgare dhe në rimëkëmbjen e saj financiare. Sipas Ministrit të Mbrojtjes Stefan Janev, do të investohen mjete financiare në ndërtimin e një grupi luftarak batalioni si detyrë prioritare e aftësive mbrojtëse brenda NATO-s.

Në seancën dëgjimore në Parlament Ministrja e Punëve të Jashtme Teodora Gençovska theksoi se Bullgaria e formon qëndrimin e saj në bazë të legjislacionit kombëtar, duke marrë parasysh interesin kombëtar dhe të aleatëve të saj.Sipas Ministres Gençovska, pavarësisht nga masat shtesë që do të ndërmerren, duke përfshirë edhe ato ushtarake, duhet të jetë mjaft e qartë se ato kanë karakter mbrojtës dhe nuk kanë për qëllim përshkallëzimin e tensionit.



Последвайте ни и в Google News Showcase, за да научите най-важното от деня!

Më shumë nga rubrika

Parashikimi i motit për 29 marsin

Ditën e premte do të jetë kryesisht me diell. Do të fryjë erë e dobët, në Bullgarinë Lindore - erë mesatare. Temperaturat gjatë ditës do të rriten - maksimumi do të jetë ndërmjet 21° dhe 26°, në Sofje - rreth 21°; Minimumi do të jetë kryesisht..

botuar më 24-03-28 7.25.MD

Presidenti nisi takimet me kryeministrat e mundshëm në detyrë

Presidenti Rumen Radev nisi konsultimet me kandidatët për ushtrues detyre të kryeministrit. Sipas ndryshimeve kushtetuese nga fundi i vitit 2023, kreu i shtetit mund të zgjedhë kryeministrin në detyrë nga një listë e kufizuar prej 10 kandidatësh. Bëhet..

botuar më 24-03-28 3.58.MD

ITN ktheu mandatin e tretë të paplotësuar për të formuar një qeveri menjëherë pas dorëzimit të tij

“Ka një popull të tillë” (ITN) falënderoi Presidentin Rumen Radev për besimin dhe ia ktheu mandatin e tretë për të formuar qeverinë. Dosja është kthyer bosh nga nënkryetari i grupit parlamentar të ITN-së Ivajllo Vëllçev me fjalët “Na vjen mirë që kësaj..

botuar më 24-03-28 12.10.MD