Programi i ditës
Radioja Kombëtare Bullgare © 2022 Të gjitha të drejtat janë të rezervuara

Gjatë dhjetorit më se 500 mijë bullgarë udhëtuan jashtë kufirit

Foto: arkiv

Pavarësisht përkeqësimit të situatës epidemike për shkak të omicron, në dhjetor 2021 udhëtimet e shtetasve bullgarë jashtë vendit ishin 104.5 për qind mbi ato të regjistruara në dhjetor 2020. Këtë e tregojnë të dhënat e fundit të Institutit Kombëtar të Statistikave, sipas të cilave gjithsej 551 mijë bashkatdhetarë tanë udhëtuan jashtë vendit në muajin e fundit të 2021. Derisa vizitat e të huajve në Bullgari janë 475 100, ose 92.4 për qind më shumë se në dhjetor 2020. Pjesa e kalimeve tranzit është 54.2 për qind ose 257 700. Nga numri i përgjithshëm i të huajve që e vizituan Bullgarinë në dhjetor 2021, pjesa e qytetarëve të BE-së është 41.9 për qind ose 199 mijë. Numri më i madh i vizitave është nga shtetasit e Rumanisë - 38.4 për qind, Greqisë - 22.8 për qind dhe Gjermanisë - 10.1 për qind.

Vizitat e qytetarëve nga vendet e tjera evropiane janë 232 200, ose 48.9 për qind e të gjitha vizitave në Bullgari, me numrin më të madh të vizitave nga Turqia - 129 mijë, ose 55.5 për qind e pasagjerëve të këtij grupi. Në dhjetor 2021 pjesa relative e udhëtimeve për disa qëllime ishte 61.4 për qind, 25 për qind ishin për argëtim dhe rekreacion, ndërsa për qëllime biznesi - 13.6 për qind.