Do të rifillojë së punuari linja e tragetit Ruse-Gjurgevo

Ministri i Transportit Nikollaj Sëbev u takua me Ministrin rumun të Transportit dhe Infrastrukturës Sorin Grindianu si pjesë e një nisme për të lehtësuar trafikun midis dy vendeve. Në takim, të dy ministrat ranë dakord për rifillimin e linjës së tragetit Ruse-Gjurgevo më së voni deri në qershor, për të lehtësuar trafikun kufitar.

Dy ministrat shprehën shpresën se rinovimi i urës së Danubit pranë Ruses do të fillojë këtë vit dhe do të përfundojë në pranverën e vitit të ardhshëm. Do të fillojnë gjithashtu punime intensive të hulumtimit të mundësive për ndërtimin e urave të reja midis dy vendeve. Pritet të nënshkruhet një rregullore në mars midis ministrive rumune dhe bullgare të transportit për të rregulluar kalimin e të gjitha automjeteve dhe pasagjerëve.