Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Manastiri i Mëglizhit ruan ende kujtimin e Levskit

Foto: Facebook/Manastiri i Mëglizhit

Shumë afër qytetit të Mëglizhit, mes shpateve të malit Stara Pllanina, është zhytur Manastiri i Mëglizhit "Shën Nikollaj”. Supozohet se është themeluar gjatë Mbretërisë së Dytë Bullgare (1185-1393). Pas rënies së tokave tona nën sundimin osman në shekullin e 14-të, manastiri i shenjtë është plaçkitur dhe djegur jo një herë nga pushtuesi, por çdo herë është rindërtuar nga popullsia vendase. Ndërtimi i tempullit të tanishëm filloi në vitin 1834. Kompleksi përbëhet nga një kishë me një nef, banesa dhe godina bujqësore, si dhe dy kisha të vogla kushtuar Shenjtorëve Pjetër dhe Pali dhe Kryeengjëllit Mihail. Pranë manastirit ka pasur dhe një shkollë.


Të dhënat historike tregojnë se Vasill Levski ka qëndruar tre herë në Manastirin e Mëglizhit gjatë turneut të tij në Bullgari, së bashku me bashkëmendimtarin e tij, priftin Hariton, herën e parë në vitin 1869, thonë studiuesit. Ashtu si shumica e strehëve të Levskit, edhe kjo në Manastirin e Mëglizhit ka pasur dy hyrje. Njëra prej tyre ka qenë e fshehtë, në mënyrë që Dhjaku të mund të shpëtojë nga turqit në çdo moment. Është interesante se hyrja në fjalë ka qenë nën shtrat, në një dollap të lidhur me një tunel që ta çojë Apostullin në pyll. Në ditët e sotme, tuneli është i rrethuar me mure.

Në vitin 2017, qelia ku ka qëndruar Vasill Levski u restaurua nga një grup piktorësh dhe zejtarësh nga Mëglizhi me idenë për ta rikthyer pamjen autentike të strehimores së Apostullit dhe për të ruajtur një pjesë të historisë bullgare. Në ditët e sotme, qelia e Dhjakut është kthyer në muze dhe është pjesë e Manastirit të Mëglizhit, i cili tërheq vizitorë nga i gjithë vendi dhe jashtë.

Më shumë hollësi për manastirin mund të lexoni në artikullin tonë E kaluara e manastirit Mëglizh është e mbështjellë në mister

Lexoni më shumë edhe në: Nëpër vendet e shenjta të Apostullit

Përpiloi: Veneta Nikollova

Përgatiti në shqip: Vesella Mançeva

Foto: Facebook/Manastiri i Mëglizhit dhe dolap.bg



Последвайте ни и в Google News Showcase, за да научите най-важното от деня!

Më shumë nga rubrika

Fillojnë të Dyzetat e Shenjta

Sot fillon Kreshma e Madhe, më e gjata në kalendarin e Kishës Ortodokse. Javët e para dhe të fundit janë një agjërim i rreptë dhe përveç ushqimeve shtazore dhe qumështore, të cilat janë të përjashtuara gjatë gjithë periudhës së agjërimit, nuk..

botuar më 24-03-18 9.56.PD
Panço Vlladigerov

Festojmë 125 vjet nga lindja e kompozitorit Panço Vlladigerov

Më 13 mars 1899 lindi në Cyrih të Zvicrës kompozitori, muzikanti, dirigjenti dhe mësuesi i madh bullgar Panço Vlladigerov. Ai luante piano dhe kompozonte që në moshë të re. Është autor i veprave të shumta në zhanre të ndryshme - opera, balet,..

botuar më 24-03-13 8.15.PD

Në të Dielën e të Lidhurit të Mishit fillon kalimi në agjërimet e gjata të Pashkëve

Gjithmonë të dielën, tetë javë para Pashkëve, të krishterët ortodoksë festojnë të Dielën e të Lidhurit të Mishit (Mesni Zagovezni). Gjatë liturgjisë, Kisha kujton figurën e Ditës së Gjykimit përmes teksteve në Shkrimet e Shenjta. Aty preken temat e..

botuar më 24-03-10 7.10.PD