Presidenti i Shqipërisë Ilir Meta, i cili mbërriti për një vizitë dyditore në Bullgari me ftesë të kreut të shtetit Rumen Radev, u prit me një ceremoni zyrtare përpara Tempullit Monument “Shën Aleksandër Nevski”. Të shoqëruar nga Orkestra e Gardës, të dy vendosën një kurorë para Monumentit të Ushtarit të Panjohur. Më vonë të dy presidentët do të bisedojnë sy më sy gjë pas së cilës do të zhvillohen bisedime plenare ndërmjet delegacionit bullgar dhe atij shqiptar. Pritet të diskutohen marrëdhëniet dypalëshe, partneriteti rajonal në Evropën Juglindore dhe integrimi evropian i vendeve të Ballkanit Perëndimor.