Programi i ditës
Radioja Kombëtare Bullgare © 2022 Të gjitha të drejtat janë të rezervuara

43 vjet nga fluturimi i kozmonautit të parë bullgar Georgi Ivanov

Georgi Ivanov
Foto: BGNES – arkiv

Georgi Ivanov shënoi emrin e tij  në histori si bullgari dhe ballkanasi i parë që pushtoi kozmosin e gjerë në një ditë, 23 orë e një minutë. Pikërisht 43 vjet më parë.

Më 10 prill 1979, në orën 20 e 34 minuta kohë lokale e Moskës nga kozmodromi në Bajkonur, i vendosur në Kazakistanin e sotëm, anija kozmike Sojuz-33 u hodh në orbitë rreth Tokës.  Në bordin e saj, pas trajnimeve të specializuara dhe një zgjedhje, janë Gjeorgji Ivanov dhe komandanti i fluturimit piloti kozmonaut nga Bashkimi Sovjetik Nikollaj Rukavishnikov.  Kështu, në atë moment Bullgaria bëhet vendi i gjashtë kozmik në botë pas Rusisë, Shtetet e Bashkuara, Çekosllovakisë, Polonisë dhe Gjermanisë.


Për këtë fluturim janë krijuar vegla gjithsej bullgare vepër e shkencëtarëve vendas.Janë zhvilluar lloje të ndryshme ushqimesh duke ruajtur shijen, aromën dhe cilësitë ushqyese të produkteve në kushte hapësinore.


Sipas planit “Sojuz-33” është dashur që të qëndrojë në Kozmos 7 ditë e net por, një problem me një nga motorët pengoi lidhjen e tij me stacionin orbital "Saljut 6" dhe e detyroi ekuipazhin në mënyrë avarie të kthehet në Tokë, pasi bëri 31 qarkullime të plota rreth saj. Të shumta janë legjendat për atë që ka ndodhur në bord në ato gati dy ditë, por fakti i vetëm i padiskutueshëm është se, gjatë gjithë misionit Georgi Ivanov mbetet i qetë dhe vendos një rekord në kozmonautikën botërore me pulsin më të qetë në historinë e fluturimeve të pilotuara.

Kostumet e Georgi Ivanov nga fluturimi i tij në vitin 1979

Sipas shumicës së ekspertëve ky ka qenë një element i rëndësishëm për fundin e lumtur të fluturimit. “Në stacionin orbital kisha marrë me vete flamurin bullgar, "Historinë sllavo-bullgare", dhe tokë nga kryeqyteti i vjetër bullgar Pliska dhe nga maja Shipka - simbol i heroizmit për çlirimin e Bullgarisë nga skllavëria Osmane”-tregoi përpara disa vjetëve Ivanov përpara Radio Bullgarisë.

Kurse nga kozmosi i hapur ai “merr me vete” 72 foto, të cilat i bën personalisht gjatë kohës së misionit. Një pjesë e madhe e fotove janë të përfshira në filmin dokumentar të Valeri Marinovit “Fluturim në skajin e pafundësisë” dhe janë treguar jo njëherë në Muzeun e Aviacionit në Krumovo, në afërsi të qytetit Plovdiv.

Pikërishtaty ruhet anija /aparati/ e uljes, me të cilën Georgi Ivanov dhe Nikollaj Rukavishnikov kthehen në Tokë.

Anija ulëse e Sojuz-33 nga fluturimi i Georgi Ivanov në 1979

Në lidhje me Ditën Ndërkombëtare të Aviacionit dhe të Kozmonautikës - 12 prill, Muzeu i Aviacionit në Krumovo do të jetë me një hyrje të lirë dhe një program të posaçëm ditor.

Redaktore: Vesella Krësteva

Përgatiti në shqip: Nataniela Vasileva

Foto: BGNES – arkiv, BNR – Fondi arkivor

Më shumë nga rubrika

Në ditën e Shën Theodhorit ndërthuren besimet pagane dhe tradita ortodokse

Sot /12 mars/, bullgarët shënojnë një nga festat e veta kishtare më të dashura në ditën e shtunë të parë  nga Kreshmët e Pashkës,  duke përkujtuar shenjtorin e krishterë - Shën Theodhor Tironi, i nderuar si një martir i madh nga Kisha Ortodokse...

botuar më 22-03-12 7.15.PD

Kreshma e Madhe përgatit besimtarët për festën më të ndritshme – Ringjalljen

Sot fillon Kreshma e Madhe e cila është më e gjatë në vit. Qëllimi i saj është të përgatisë besimtarët për Ringjalljen e Krishtit – festën më të madhe për të krishterët ortodoksë, të cilën këtë vit ortodoksia e shënon më 24 prill. Kreshmët..

botuar më 22-03-07 4.24.MD
Rajna Knjaginja. Piktori: Vasill Goranov

Heroizmi i grave bullgare gjatë luftërave për liri

Heroizmi dhe përkushtimi i tyre kanë mbetur në hijen e bëmave të burrave, larg vëmendjes së historianëve dhe kronistëve.  Por, gratë bullgare kanë qenë të barabarta me burrat, kur është bërë fjalë për mbrojtjen e vlerave si liria, dinjiteti dhe..

botuar më 22-03-03 8.45.PD