Vendpushimi ynë më i vjetër detar “Shenjtorët Konstandin dhe Elena” do ta pres festën e vet me një kalendar mjaft të pasur ngjarjesh dhe propozimesh atraktive për pushime dhe përjetime kulinarie. Festimet fillojnë më 21 maj në orën 9 të mëngjesit nga Manastiri “Shenjtorët Konstantin dhe Elena”, me një liturgji të shenjtë solemne dhe ujë të bekuar. Përpara vetë manastirit do të ketë një festë për fëmijët si dhe një konkurs për pikturë mbi asfalt me dekorata për piktorët më të mirë.
Koncerti festiv do të fillojë në orën 18.30, në skenën me kullën e sahatit në Qendrën Tregtare “Primorsko”. Është përgatitur një program me operetë, balet dhe folklor, ku marrin pjesë solistë nga Opera Shtetërore – Varna dhe valltarë nga Ansambli Folklorik “Varna”.
Për të gjithë miqtë e pushimores janë parashikuar ulje të planifikuara të çmimeve, duke filluar nga 21%, në hotele, restorante, SPA qendra dhe dyqane.Festës i kushtohet edhe edicioni special i Tregut të Fermerit.
Shtëpia e parë e pushimit në “Shenjtorët Konstantin dhe Elena” ka hapur dyert e saj në vitin 1908.Pushimorja mban emrin e manastirit aty pranë "Shenjtorët Konstantin dhe Elena”, i cili daton në shekujt 14-16. Akoma hollësi të tjera për pushimoren dhe për manastirin e shenjtë do të mësoni KËTU.
Përpiloi: Veneta Nikollova
Përgatiti në shqip: Nataniela Vasileva
Bullgaria është në vendin e 8-të në regjistrimet e hershme për pushimet verore të gjermanëve në vitin 2024. Pas pandemisë së koronavirusit, pati një ulje të numrit të turistëve gjermanë në pushimoret tona. Tani, megjithatë, gjermanët kanë filluar të..
Zona “Gradishteto” në Rodopet Perëndimore është e mbushur me silueta shkëmbore kafshësh, formimi i të cilave u përsos nga dora e njeriut afro 7 mijë vjet më parë. Në ditët e sotme këto skulptura misterioze janë të aksesueshme falë një rruge..
Mbi 6000 bullgarë do të ngjiten në majën Shipka më 3 Mars për të nderuar ata që sakrifikuan jetën e tyre për lirinë e Bullgarisë. 25 mijë bashkatdhetarë të tjerë do të shfrytëzojnë pushimet rreth Festës Kombëtare - 3 Marsit për të vizituar..