Kopenhaga po pret një ngjarje në shkallë të gjerë për komunitetin bullgar në vend - panairin udhëtues "Në mejdanin e Bullgarisë tjetër". Ai realizohet me mbështetjen e Ambasadës Bullgare në kryeqytetin danez, por organizatori kryesor është klubi bullgar i kërcimit "BG Folk Ritmi", kërcimtarët e të cilit në Kopenhagë dhe Malmö numërojnë afro 50 persona. “Jemi mbledhur nga të gjitha anët e Bullgarisë, me dashuri dhe dëshirë për të kërcyer valle popullore bullgare. Ne jetojmë në dy vende fqinje - Danimarkë dhe Suedi dhe përfaqësojmë dy grupe vallëzimi të bashkuar nën një emër "BG Folk Ritmi", thonë drejtuesit e grupeve Nikollaj dhe Panka Stojanovi.
Kulmi i aktivitetit, me të cilin bashkatdhetarët tanë shënojnë festën më të ndritshme bullgare - 24 majin, është vallja e madhe në një nga parqet qendrore të kryeqytetit danez më 28 maj.
Edhe pse i pari për Danimarkën, panairi "Në mejdanin e Bullgarisë tjetër" ka një histori 7-vjeçare. Ideja për zbatimin e tij ka lindur në Francë në vitin 2015 dhe synimi i tij është që të mbahet çdo vit në një vend të ndryshëm të kontinentit. Kjo është arsyeja se pse të gjitha grupet folklorike vendase jashtë vendit e konsiderojnë atë si një mënyrë të shkëlqyer për të mbledhur dhe shkëmbyer përvojë dhe njohuri. Ndër qytetet pritëse deri më tani kanë qenë Montpellier /Francë/, Valencia /Spanjë/, Milano /Itali/, La Nusia /Spanjë/ dhe Verona /Itali/ në vitin 2020, kur për shkak të pandemisë, ngjarja shkoi tërësisht online.
Përpiloi: Joan Kolev
Përgatiti në shqip: Vesella Mançeva
Në fundjavë në Dellçevo do të derdhet verë falas nga dy krojet e fshatit. I vendosur në buzë të malit, fshati i zonës së Goce Dellçevos prej kohësh është bërë një atraksion turistik për shkak të arkitekturës së tij të lashtë dhe pamjeve të bukura të..
Nga 26 deri më 28 janar në qytetin e Pernikut, afër Sofjes po zhvillohet festivali i maskaradës më të gjallë, më të zhurmshme dhe më të mbushur me njerëz në Bullgari. Festivali quhet “Surva”, që është edhe emri i këtij zakoni të lashtë, i ruajtur..
Në fillim të çdo viti, në Razlog dhe fshatrat përreth rajonit të Pirinit, nisin përgatitjet e ethshme për Babinden. Festa i kushtohet gjysheve dhe grave që kanë ndihmuar në lindjen e nuseve të reja. Çdo vit festohet më 21 janar dhe në Razlog është ndër..