Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Mikele Kreshentini dhe ferma e tij për gomarë në Rila

Foto: arkiv personal

Dashuria e një italiani për kafshët dhe natyrën e paprekur të malit Rila e kanë kthyer një fshat të bukur në një parajsë të vërtetë për të rinj e të mëdhenj. Quhet Maxhare dhe ndodhet rrëzë malit, jo shumë larg vendpushimit të famshëm  Borovec.  Prej disa vitesh këtu ka një gjëmim të gjallë gomari, sepse në fshat jeton një familje e madhe gomarësh. Për të kujdesen Mikele Kreshentini (Michele Crescentini) dhe partnerja e tij Oksana. Ai është italian , kurse ajo –bullgare besarabe dhe së bashku arritën të realizojnë ëndrrën e tyre. Përpara disa vjetëve ata krijojnë një fermë për gomarë, e cila i përmbush ditët e tyre me qetësi dhe kuptim.

“Interesi është shumë i madh, njerëzit janë kureshtar, sepse zakonisht italianët në Bullgari hapin restorante, kurse ne hapëm fermë për gomarë” - bën shaka Mikele.

Ai është i lindur në qytetin italian Pezaro. Përpara rreth dhjetë vjetëve mbërrin për punë në Sofje. Pas kësaj vendoset në qytetin Samokov. Njihet me Oksanën dhe gjatë vitit 2018 pajisen me një shtëpi shumë të bukur në fshatin e afërt Maxhare. Ai pranon se në fillim e kishte të vështirë të mësohej me realitetin e ri, i kanë munguar njerëzit e afërt, familja në Pezaro. “Bullgarët janë si bashkatdhetarët e mi në Italinë Jugore”- thotë për Radio Bullgarinë Mikele dhe shton:

“Këta janë njerëz shumë mikpritës, të gatshëm gjithmonë të të ndihmojnë, por gjithsesi jemi me kultura të ndryshme dhe mënyrë të ndryshme të të menduarit. Kjo nganjëherë të vështirëson, sepse mundet të jenë dhe mjaft evazive. U pëlqen të thonë “Nuk ka problem, nuk ka problem!” Por shpesh del se, problem ka! Dhe në disa raste kjo krijon pengesa. Ju u përngjani shumë napolitanëve dhe sicilianëve, të cilët janë shumë të përzemërt dhe shumë mikpritës. Dhe aty veprojnë shumë më qetë. Por, kur bëhet fjalë për punë, dalin dhe vështirësitë” - thotë sipërmarrësi italian.

Mikele është i mahnitur nga peizazhet e Rilës dhe kohën e lirë ia ka kushtuar një qëllimi fisnik - rritjes së gomarëve, pronarët e të cilëve po çuditen se si të shpëtojnë prej tyre. Për këtë qëllim me partneren e tij fillojnë të kërkojnë kafshë nëpër të gjithë vendin, me idenë të zhvillojnë një turizëm me gomar sipas modelit italian.

“Italia përpara rreth 20 vjetëve ishte si Bullgaria tani, në kuptimin se dhe aty kjo kafshë filloi të zhduket, rreth shpërndarjes së teknikës agrare, e cila zëvendësoi punën e gomarëve. Por, gjatë viteve të fundit në Itali u bë mjaft i njohur i ashtuquajturi turizëm i ngadaltë mes natyrës, me ndihmën e gomarëve dhe tani këto kafshë dalin në skenë” - tregon Mikele.


Gomarët nga Maxhare marrin pjesë në iniciativa edukative me fëmijët e shkollave në Samokov dhe Sofje. Ata mbërrijnë në fermë që të komunikojnë me kafshët veshgjatë dhe të shëtisin me ta nëpër shtigjet e bukura të Rilës. “Fëmijët janë më të predispozuar të përjetojnë këtë aventurë në bazë të një mënyre më natyrale dhe të egër - çadra, zjarri, komunikimi me kafshën, kujdesi për të, ta ushqesh, të njohësh natyrën - kjo për ta është një emocion i shkëlqyer”- vazhdon Mikele. Përveç kësaj, të mëdhenj e të vegjël përfshihen në  turnetë e ndryshme që zgjasin nga një orë deri në 6-9 ditë.


Gjatë kësaj vere ferma pret një grup italian , i cili do të mbërrijë në fshat, përmes një operatori turistik partner nga Italia. Por, Mikele dhe Oksana punojnë dhe mbi projekte të tjera, të cilat janë në rrugë ta kthejnë fshatin Maxhare në një model për zhvillimin e turizmit ekologjik.

Përgatiti në shqip: Nataniela Vasileva

Foto: arkiv personal




Последвайте ни и в Google News Showcase, за да научите най-важното от деня!

Më shumë nga rubrika

Ski pistat e Borovecit janë të hapura për skiim natën

Dashamirët e sporteve dimërore nga sot do të mund të bëjnë ski natën në kompleksin turistik “Borovec” në malin Rilla. Në dispozicion të tyre do të jenë dhjetë pista të ndriçuara sipas niveleve të ndryshme të vështirësisë – jeshile, e kuqe, e..

botuar më 24-01-12 6.05.PD

Gazetat britanike rekomandojnë Plovdivin si një vend për turizëm dhe "la dolce vita"

Qyteti më i vjetër në Evropë është magjik dhe ndodhet në një vend ku nuk e prisni aspak, shkruan botimi britanik “The Times” në një artikull të gjerë për Plovdivin. "Plovdivi i mbushur me art do t'ju befasojë me kombinimin e tij të artit të..

botuar më 24-01-10 9.46.PD
Shtëpia malore „Mazallat“

Shikoni cilat janë shtëpitë më të mira malore bullgare për vitin 2023

Mbi 25 mijë bullgarë votuan në konkursin “Shtëpia malore e vitit – 2023”, i cili përfundoi pak ditë më parë. 70 shtëpi malore dhe strehimore, të vendosura në disa nga cepat më të bukur të maleve bullgare, konkurruan për çmimin prestigjioz. Ideja e..

botuar më 23-12-30 12.15.MD