Programi i ditës
Radioja Kombëtare Bullgare © 2022 Të gjitha të drejtat janë të rezervuara

Inflacioni i vërtetë në Bullgari tejkalon 25%

Prof. Dimitër Ivanov
Foto: BGNES

Sipas Institutit Kombëtar të Statistikave inflacioni është 14.4%, por shporta e konsumit përfshin një sërë mallrash opsionale që askush nuk i konsumon. Në fakt, nëse merret parasysh indeksi i çmimeve të konsumit, inflacioni në vendin tonë tashmë kalon 25%.

Në një intervistë për BNR, makroekonomisti Prof. Dimitër Ivanov theksoi se Ministria e Financave ende nuk e ka analizuar në thellësi shkallën e gabimeve të veta të deritanishme në aspektin e rritjes së inflacionit dhe politikën e nevojshme ndaj tij. Sipas prof. Ivanov, inflacioni - në masën 11-12%, ndoshta do të zgjasë disa vjet dhe do të arrijë në dy skenarë - ose stagflacion për shkak të rritjes së normave të interesit në mbarë botën, ose do të hyjmë në një recesion, dhe ka të ngjarë që kjo periudhë të zgjasë deri në vitin 2025, dhe ndoshta edhe më tej.
Sipas makroekonomistit, Bullgaria është në kaos politik dhe ekonomik dhe në një krizë më të keqe se ajo e viteve 1996-1997, kur kriza ishte vetëm financiare. Kësaj i shtohet edhe lufta, e cila prek gjithë botën dhe mund të marrë përmasa edhe më të mëdha, tha prof. Ivanov.