Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Bullgaria po shkrihet për shkak të të ardhurave të ulëta dhe legjislacionit joefektiv

Dimitër Ganev: Kriza demografike është shkaku kryesor për pesimizmin që po përhapet në vendin tonë për zhvillimin e vendit

Foto: BGNES

Bullgaria është pakësuar me rreth një milionë e gjysmë veta gjatë 10 vjetëve të fundit, tregojnë të dhënat e Institutit Kombëtar të Statistikave ngaregjistrimi i fundit në vendin tonë në fund të vitit 2021.Nëse trendet për vdekshmërinë, natalitetin dhe emigracionin vazhdojnë, atëherë pritshmëritë janë që në vitin 2030, popullsia jonë të jetë pak më shumë se 6 milionë e gjysmë njerëz, paralajmërojnë ekspertët.

“Bullgaria po shkrihet” - tha për Radio Bullgarinë sociologu Dimitër Ganev nga agjencia “Trend”. Një studim sociologjik i zhvilluar kohët e fundit nga agjencia tregon se, për afro 91% prej bullgarëve të ardhurat e ulëta janë një problem jashtëzakonisht serioz. “Kjo mbase është mes shkaqeve bazë për emigracionin dhe “ikjen e truve” nga Bullgaria”-pohon Dimitër Ganev dhe shton:

“Tradicionalisht në të gjitha studimet e viteve të kaluara, problemi numër një në vend kanë qenë gjithmonë të ardhurat.Shëndetësia renditet e dyta, por e treta, e katërta dhe e pesta janë tema që lidhen në një farë forme me krizën demografike. Dhe kjo që më bën përshtypje është se, një pjesë e madhe nga bullgarët e anketuar përkrahin masa eventuale, të lidhura me lehtësimin e taksave të të rinjve, sa për ndihmat për fëmijët, mbështetja është mbi 80%.

Sipas Dimitër Ganevit, prioriteti i çdo një qeverie bullgare janë votuesit apo "ata që kanë lindur, që jetojnë këtu dhe janë një grup shoqëror mjaft i madh për t'i mbështetur në zgjedhjet e ardhshme". Mjerisht politikat shtetërore, të drejtuara konkretisht në ndihmë të familjeve me fëmijë, mbeten në plan të pasmë. Disa nga masat për të luftuar krizën demografike nuk lidhen domosdoshmërisht me ndarjen e fondeve nga buxheti, por me ndryshimet në legjislacion:

“Një nga iniciativat kyçe  është tërheqja e njerëzve nga jashtë ose të së ashtuquajturës diasporë bullgare jo vetëm nga Evropa Perëndimore, por dhe nga Maqedonia Veriore, Moldavia, Ukraina, me fjalë të tjera aty, ku ka bullgarë etnik. Dhe nuk bëhet fjalë vetëm për para, por për një politikë kompetente shtetërore, e cila do të shtyjë ndryshimet ligjore që do të lehtësojnë këta bullgarë, por edhe të huajt që të punojnë në vendin tonë. Por zhgënjimi në këtë rast është se nuk shikoj që të bëhet diçka në këtë drejtim. A e dini sesa e rëndë është procedura për një bullgarë besarab, për shembull nga Moldavia ose Ukraina, të vijë të punojë këtu. Ai duhet të kalojë përmes një odise administrative. Kujt i është e nevojshme? Ndërkohë Bullgaria dhe biznesi bullgar vuajnë nga një mangësi kronike e krahut të punës” - thotë Dimitër Ganev.

Në Bullgari ekziston një pesimizëm i thellë për të ardhmen e vendit dhe shumë nga argumentet lidhen me krizën demografike, thotë Ganev.

Në këtë kuptim mendoj se, kriza demografike është një pjesë e arsyeve të këtij pesimizmi të thellë në vend.Sepse, nëse shihni gjithnjë e më shumë të rinj që lindin, hyjnë në tregun e punës dhe krijojnë gjëra të reja, atëherë ndoshta ky pesimizëm nuk do të ishte aq i fortë. Nga ana e vet pesimizmi po kështu ndikon mbi proceset demografike tek ne. Kjo do të thotë se jemi në një spirale, gjë që me siguri nuk është një lajm i mirë” - bën konkluzionin e tij Dimitër Ganev.

Përgatiti në shqip: Nataniela Vasileva

Foto: BGNES




Последвайте ни и в Google News Showcase, за да научите най-важното от деня!

Më shumë nga rubrika

Një filial i Universitetit në qytetin Ruse do të hapet në Taraklia

Një filial i Universitetit Ruse do të hapet në qytetin moldavian Taraklia. Kjo u vendos me një dekret të Këshillit të Ministrave. Udhëheqja e Universitetit në Ruse përpiqet për të hapur një filial të tij në qytetin moldavian që nga viti 2016...

botuar më 24-03-28 5.32.MD

Në BE, shkalla e vdekshmërisë për shkak të një aksidenti kardiovaskular është më e larta në Bullgari

Çdo vit në BE ka më shumë se 6 milionë raste të reja dhe mbi 1.8 milionë vdekje që lidhen me sëmundjet kardiovaskulare, raporton BTA, duke cituar zëvendëskryeministren dhe ministren e punëve të jashtme në dorëheqje Maria Gabriel. Në një konferencë..

botuar më 24-03-28 11.23.PD

Mbi 900 fëmijë në vendin tonë janë në pritje të prindërve birësues, është dyfishuar numri i atyre që duan të birësojnë

Në fillim të këtij viti më shumë se 1600 familje kanë treguar gatishmëri për të birësuar një fëmijë dhe numri i fëmijëve për të cilët janë kërkuar birësues të përshtatshëm ka qenë pak më shumë se 900. Sipas të dhënave të Agjencisë së Ndihmës..

botuar më 24-03-28 8.54.PD