Programi i ditës
Radioja Kombëtare Bullgare © 2022 Të gjitha të drejtat janë të rezervuara

Kryeministri hodhi poshtë ultimatumin rus për ndërprerjen e marrëdhënieve

| rinovuar më 22-07-01 4.10.MD
Kirill Petkov
Foto: Facebook/ Kiril Petkov

Zëvendëskryeministri dhe Ministër i Financave i dorëhequr Asen Vasilev do të jetë kandidat për kryeministër të “Po e vazhdojmë ndryshimin”. “Nuk do të lejojmë që Bullgaria të shkojë në drejtimin e gabuar dhe diplomatët e huaj të japin drejtimin”, tha Kryeministri i dorëhequr Kirill Petkov në një videomesazh në lidhje me krizën me dëbimin e 70 vetave nga personeli i Ambasadës ruse në Sofje.

Në Kuvendin Popullor Zëvendëskryeministrja e dorëhequr dhe lidere e BSP-së, Kornelija Ninova, kërkoi që për shkak të krizës, Kryeministri Petkov të japë dorëheqje menjëherë. Ajo nguli këmbë që Presidenti të shkarkojë kryetarin e Agjencisë Shtetërore të Sigurisë Kombëtare. Ninova këmbënguli që Parlamenti të marrë një vendim si organi më i lartë shtetëror, për kazusin me Rusinë.

Kërkesa u hodh poshtë nga GERB. Lideri i forcës kryesore opozitare, Bojko Borisov, tha se “GERB qëndron pas veprimeve të qeverisë së dorëhequr të Kirill Petkovit për dëbimin e diplomatëve dhe personelit teknik rus, pavarësisht nga mënyra joprofesionale në të cilën u krye”. Sipas Borisovit, kapitullimi tani ndaj ultimatumit të vendosur nga Ambasadorja ruse Eleonora Mitrofonova do të thotë heqje dorë nga sovraniteti. Kryetarja e grupit parlamentar GERB Desisllava Atanasova shtoi se përgjegjësia për skandalin diplomatik me Federatën Ruse i takon tërësisht kryeministrit të dorëhequr Kirill Petkov dhe “flet vetëm për një gjë – paaftësinë totale të Kirill Petkovit dhe qeverisë së tij për ta udhëhequr shtetin. Atanasova parashikoi se madje “Po e vazhdojmë ndryshimin të mbledhë 121 deputetë dhe të formojë një qeveri të dytë me kryeministrin Asen Vasilev, ajo do të jetë e paqëndrueshme dhe ndoshta nuk do të përballojë një votë tjetër mosbesimi.

Në mbështetje të vendimit të Petkovit, deputeti i “Bullgarisë Demokratike” Ivajllo Mirçev thejsoi për “Nova TV” se partia e tij ka arsye shumë serioze të shqetësohet se rrjeti rus i spiunazhit ka arritur në majat e shtetit. Mirçev ishte kategorik se janë marrë informacione jashtëzakonisht shqetësuese për ndikimin rus në Bullgari.


Më shumë nga rubrika

Interesi i bullgarëve për të studiuar jashtë po kthehet

Këtë vit, interesi për marrjen e arsimit të lartë jashtë vendit është rritur me 21% krahasuar me vitin 2021, sipas të dhënave të projektit World Education, raportoi BNT. "Interesi për të studiuar jashtë vendit padyshim po kthehet pas pandemisë,..

botuar më 22-09-26 5.45.MD

Inspektorët shëndetësorë protestuan për rritjen e pagave

Punonjësit e Inspektimeve Shëndetësore Rajonale në të gjithë vendin kanë dalë sot në protestë për rritjen e pagave. Kërkesa e tyre mbështetet nga Konfederata e Sindikatave /KNSB/. Sindikata këmbëngul për rritjen e të ardhurave të paktën me masën e..

botuar më 22-09-26 4.30.MD
Prof. Sasho Penov

Bullgaria investon 0.7% të PBB-së në shkencë dhe inovacione

Në total, investimet në Bullgari për shkencë dhe inovacion janë 0,7% e PBB-së, ndërsa në BE niveli mesatar është 2,2% e PBB-së. Këtë e bëri të ditur ministri teknik i arsimit dhe shkencës, Sasho Penov, gjatë prezantimit në Sofje të “Programit të ri..

botuar më 22-09-26 3.29.MD