Programi i ditës
Radioja Kombëtare Bullgare © 2022 Të gjitha të drejtat janë të rezervuara

Aktualizimi i buxhetit i Bullgarisë për vitin 2022 është fakt

Nuk ka TVSH për bukën deri më 1 korrik 2023

Foto: BGNES

Pas një takimi të gjatë në ditën e fundit të qershorit, deputetët më në fund miratuan përditësimin e buxhetit të shtetit.

“Në këtë situatë të vështirë politike, parlamenti tregoi përgjegjësinë e nevojshme, buxheti është i vështirë për t’u zbatuar, por mund të zbatohet, janë zbatuar shumë masa antikrizë për familjet, për pensionistët dhe për bizneset”, tha Ministri i Financave Asen Vasilev pas miratimit të kornizës së përditësuar financiare të vendit për vitin aktual.

Kuvendi Popullor miratoi një ndihmë prej 25 stotinka (0.13 euro) për litër karburant të cilin njeriu do të mbushë në makinën e tij nga 1 korriku. Ndihma është e vlefshme për çdo mbushje deri në 50 litra. Kompensimi do të zbatohet për benzinën A-95, naftën pa aditivë, gazin e lëngshëm të naftës dhe gazin natyror.

Të ardhurat e premtuara janë 34.1 miliardë leva (17.4 miliardë euro) - 760 milionë leva (388 milionë euro) më shumë se sa u propozua nga qeveria, dhe shpenzimet janë 21.1 miliardë leva (10, 7 miliardë euro), me një planifikim fillestar prej 20.4 miliardë levash. (10.4 miliardë euro). Kufiri i borxhit të ri shtetëror është rritur nga 7.3 miliardë leva (3.7 miliardë euro) në 10.3 miliardë leva (5.3 miliardë leva) për shkak të të ardhurave të pritura nga TVSH-ja dhe inflacionit. Po rritet edhe shuma e garancive shtetërore për kompanitë “Bulgargaz” dhe “Bulgartransgaz”.

U ra dakord që buka dhe mielli të mos i nënshtrohen TVSH-së. Masa do të zbatohet deri më 1 korrik 2023 për furnizimet e bukës dhe miellit me vend zbatimi në territorin e vendit dhe për importin e mallrave në territorin e vendit.

Janë miratuar edhe tekste me të cilat mund të rriten pagat e punonjësve në Kuvendin Popullor në bazë të kursimeve në buxhetin e tij. U votuan edhe fonde shtesë për shpërblime në departamente të ndryshme, përfshirë Ministrinë e Brendshme dhe fushën e arsimit.

Ministri i Financave saktësoi se deputetët i shtuan 760 milionë leva 2 miliardë levave të premtuara më parë nga qeveria për masat kundër krizës dhe inflacionit.

"Shpresoj shumë që ky buxhet do t'i ndihmojë të gjithë bullgarët që ta përballojnë pak më qetë krizën dhe këto kohë të trazuara. Ky është një buxhet që nga njëra anë ruan komponentin social, nga ana tjetër jep mundësinë për të bërë shpenzimet e nevojshme sociale, në mënyrë që njerëzit që janë në pozitën më të pafavorshme të përballojnë të gjitha krizat”, theksoi Ministri i Financave.

Përpiloi: Diana Cankova

Përgatiti në shqip: Vesella Mançeva

Foto: BGNES

Më shumë nga rubrika

Bullgaria merr një borxh të ri kombëtar

Më 19 shtator, Banka Kombëtare Bullgare - BNB shpalli tender për marrjen e borxhit të brendshëm prej 100 milionë euro. Obligacionet e Ministrisë së Financave janë me afat maturimi 10.5 vjet dhe me interes 2.25 për qind. Në muajin prill,..

botuar më 22-09-19 12.20.MD

Bullgarët mbeten skeptikë ndaj euros, njofton Eurobarometri

46 për qind e bullgarëve që morën pjesë në sondazhin e fundit të Eurobarometrit nuk e miratojnë monedhën e përbashkët të BE-së - euron. Në gjysmë viti, grupi “për” tek bullgarët u rrit me tre për qind deri në 40. Një vit e gjysmë para afatit të..

botuar më 22-09-16 2.49.MD

Në gusht inflacioni arriti në 17.7%, qeveria do të marrë borxh të ri

Rritja e inflacionit në muajin gusht po ngadalësohet lehtë, sipas të dhënave të Institutit Kombëtar të Statistikave. Rritja e kostos së jetesës krahasuar me të njëjtin muaj të vitit të kaluar në 2021 është 17.7%. Rritja krahasuar me muajin e..

botuar më 22-09-14 12.27.MD