Emocione të jashtëzakonshme në natyrë në kulmin e verës premton festivali ekologjik, i cili është bërë traditë, në zonën Uzana afër qytetit Gabrovo të Bullgarisë Qendrore.

Një mirëseardhje e ngrohtë për të gjithë për të cilët komunikimi me dhe mes natyrës është frymëzues, shumë muzikë, arte, njohuri dhe emocione të përbashkëta premtojnë ditët nga 22 deri në 24 korrik.

“Uzana Poljana Fest” organizohet nga Komuna e Gabrovës dhe është pjesë e nismave “të gjelbra” kushtuar mbrojtjes së natyrës. I përkushtuar ndaj sjelljes ekologjike dhe kujdesit për natyrën, festivali është një platformë për takimin e ideve të gjelbra dhe modeleve të suksesshme ekologjike, nismave të artit dhe produkteve të shëndetshme.

Përpilues: Vesella Krësteva

Përgatiti në shqip: Svetllana Dimitrova

Foto: uzanafest.gabrovo.bg