Programi i ditës
Radioja Kombëtare Bullgare © 2022 Të gjitha të drejtat janë të rezervuara

“Pirini Këndon” aty ku takohen malet Rilla dhe Pirin

Foto: BGNES

Mbi 1500 pjesëmarrës nga komunat jugperëndimore të Bullgarisë do të mbledhë Tubimi Folklorik “Pirini Këndon” më 30 dhe 31 korrik. Në këtë mënyrë në zonën Predell ku preken rrëzat e maleve Rilla dhe Pirin do të festohet 60-vjetori i edicionit të parë të festivalit, i cili paraqet shembuj të folklorit dhe traditës etnografike bullgare të ruajtura ndër shekuj.

Historia

Krijuar në vitin 1962, Tubimi “Pirini Këndon” zhvillohej një herë në pesë vjet deri në vitin 1985, kur pushoi së ekzistuari. Prapëseprapë që nga viti 1997 sërish e gëzon publikun e tij besnik në zonën “Predell”. “Pirini Këndon” nuk është një festival, por një lëvizje për kërkimin, ruajtjen dhe popullarizimin e këngëve dhe traditave origjinale popullore” – krenohen banorët e bashkisë së afërte Razllog.

Sipas traditës edhe sivjet në kuadër të tubimit do të shënohen dy përvjetorë - 119-vjetori i Kryengritjes së Ilindenit  dhe 144-vjetori i Kryengritjes Kresna-Razllog.

Edicioni i sivjetshëm i 16-të i Tubimit “Pirini Këndon” mbahet nën kujdestarinë e Presidentit Rumen Radev. Interpretuesit më të mirë do të prezantojnë krahinën në Tubimin Kombëtar të Krijimtarisë Popullore në qytetin Koprivshtica, i cili do të mbahet nga 5 deri më 7 gusht.

Përpilues: Joan Kolev

Përgatiti në shqip: Svetllana Dimitrova


Më shumë nga rubrika

Foto: Shoqata „Kirill dhe Metodij“ në Comodoro Rivadavia

Në Patagoni qepin kostume kombëtare bullgare, luajnë në gëdullka dhe kultivojnë shtërmen bullgar

Jugu i ftohtë i Argjentinës – kështu quhet zona gjeografike e Patagonisë, e cila shtrihet në territoret më të afërta me Polin e Jugut të Amerikës Latine. Në bregun me erë të Oqeanit Atlantik ndodhet qyteti port i Comodoro Rivadavia, i njohur që nga..

botuar më 22-07-23 1.15.MD

Populli e nderon Profetin Ilia si një shenjtor zot i breshërive

Më 20 korrik ortodoksia kremton Profetin e Dhiatës së Vjetër Ilia, një pasardhës i stërgjyshit të Shenjtë Aaron. Populli ynë e quan këtë festë Ilinden, ndërsa Shën Ilian e respekton si një nga të ashtuquajturit shenjtorë zotërinj të breshërive. Ai..

botuar më 22-07-20 6.05.PD

Një tubim paraqet traditën, folklorin dhe jetën moderne në rajonin e Graovos

Folklori tradicional i Bullgarisë Perëndimore do të oshtijë lëndinat pranë Manastirit “Shenjtor Kozma dhe Damjan” në afërsi të fshatit Giginci , në rajonin e qytetit Breznik . Herën e katërt me radhë Tubimi Folklorik “Në zemrën e Graovos” do të..

botuar më 22-07-16 10.45.PD