Programi i ditës
Размер на шрифта
Radioja Kombëtare Bullgare © 2022 Të gjitha të drejtat janë të rezervuara

StreetArt Festival 2022 në Staro Zhelezare dhe si materializohen absurditetet e botës në muret e fshatit

Foto: Facebook/@StaroZhelezare

Fshati piktoresk mesjetar Staro Zhelezare është mikpritës i Festivalit tradicional StreetArt 2022, i cili do të zgjasë deri më 12 gusht. Këtë vit ekipi i piktorëve të rinj nga Polonia dhe Bullgaria po përgatit murale nën moton "NE JEMI HERONJTË". Personazhet e vizatuar në muret e Staro Zhelezares komentojnë gjendjen aktuale të botës dhe synimet e lojtarëve në rendin e ri botëror.

Subjekti kryesor natyrisht, është lufta në Ukrainë. Krejt e pritshme, Putin dhe Zelenski dalin në radhë të parë në rrugët е fshatit. Por jo vetëm! Në Staro Zhelezare, miliarderët - Elon Musk dhe Jeff Bezos, ngrihen në qiell me ndihmën e personazhit imagjinar Baz Viti i Dritës nga "Loja e Lojërave", ndërsa shkrimtarët Olga Tokarchuk dhe Georgi Gospodinov kërkojnë kuptimin e ekzistencës aktuale, duke shkruar mendimet e tyre në libra. 

Ajo që është më e ndryshme në edicionin e sivjetshëm të Festivalit StreetArt është se artistët rikrijojnë kohët tona kaotike moderne përmes imazheve dhe komenteve të personazheve të preferuar të filmave vizatimorë. Donald Duck, Bugs Bunny, Shrek, The Flintstones, The Simpsons dhe Tre Budallenjtë shfaqen krahas figurave të shquara, politikanëve dhe diktatorëve për të ndezur imagjinatën dhe për të nxjerrë në pah absurditetin që na rrethon.

“Le të përdorim imagjinatën tonë, si në Aventurat e Lizës në Botën e Çudirave”, sepse kjo është arma jonë e vetme në luftën kundër realitetit”, bëjnë apel piktorët.

Të gjithë këtu janë të mirëpritur të bisedojnë me ekipin krijues bullgaro-polak, i cili do të pikturojë personazhe të rinj në muret e fshatit deri në mes të gushtit.


Staro Zhelezare është një fshat ku jetojnë gjithnjë e më pak njerëz, shumica prej tyre - të moshuar. Muajt e fundit, në vendin e dyqanit ushqimor të fshatit u hap një agjenci funerale, theksojnë me keqardhje organizatorët. Megjithatë, fshati ngadalë por me siguri po zgjohet për një jetë të re. Motori i projektit unik që e ktheu Staro Zhelezare në një destinacion street art, vjen nga Polonia. Për të dhjetin vit, familja artistike Katarzhina dhe Vencisllav Pirjankovi i japin frymë fshatit, jo pa mbështetjen entuziaste të banorëve vendas.

Përgatiti në shqip: Vesella Mançeva

Foto: Facebook/@StaroZhelezare

Më shumë nga rubrika

Votoni për reklamën e Bullgarisë “Gjeni historinë tuaj”

Videoja e imazhit të Bullgarisë është finaliste në edicionin e 13-të të “Corporate Media & TV Awards 2022” në Kanë. Çmimet organizohen nga Komiteti Ndërkombëtar i Festivaleve të Filmit Turistik, njoftoi bgtourism.bg. Videoja bullgare tregon, për..

botuar më 22-10-09 7.50.PD
Statuja e Sofjes - një nga simbolet e kryqytetit

Bum i turistëve të huaj në Sofje

Rritja e turistëve të huaj në Sofje këtë vit në krahasim me vitin 2021 është 90%, tha për BNR drejtori i Ndërmarrjes të Turizmit të Bashkisë së Kryeqytetit Ivo Marinov. Mesatarja e qëndrimit të turistëve të huaj në kryeqytet është gati tre ditë. Të..

botuar më 22-10-08 12.19.MD

Varna është organizatore e forumit turistik Ekspo “Destinacioni Varna”

Një nga forumet më të rëndësishme turistike në kryeqytetin tonë detar mbahet këtë fundjavë – nga 7 deri më 9 tetor. Në ekspozitën Turizëm Ekspo “Destinacioni Varna” marrin pjesë më se 100 firma që ofrojnë produkte dhe shërbime në sferën e turizmit –..

botuar më 22-10-08 7.45.PD