Programi i ditës
Madhësia e tekstit
Radioja Kombëtare Bullgare © 2023 Të gjitha të drejtat janë të rezervuara

Bullgarët tashmë kombinojnë punën në distancë me një pushim detar në një fushues

Foto: Pexels

Kush është ai i cili nuk ëndërron që dita e tij e punës të kalojë pas stres dhe tension në bregun e detit në sfondin e përplasjes së dallgëve? Del se këto nuk janë ëndrra, por një realitet për një pjesë gjithnjë e më të madhe bullgarësh. Pandemia imponoi rregulla të reja në botën e biznesit. Tani gjithnjë e më shumë punëdhënës bullgarë ofrojnë mundësi për një punë në distancë për nëpunësit e vet, kurse kjo nga ana e vet ndikon mjaft mirë mbi turizmin dhe kohën e lirë.

Trendi workation (nga kombinimi i fjalëve punë dhe pushim në anglisht) po fiton popullaritet këtë sezon edhe në Bullgari.Këtë eripohon anketa e platformës më të madhe për një turizëm të kampingut tek ne - Karavani.bg. Për 71% nga të anketuarit, përveç një motivacion të kombinojnë punën me pushim në kamping është mundësia për të rimbushur bateritë, për të shpëtuar nga rutina, për të udhëtuar dhe për të vizituar vende të ndryshme pa pasur nevojë të dalin me leje. 

Platforma raporton një rritje të ndjeshme të rezervimeve deri në fund të shtatorit, gjë që do të zgjasë sezonin veror në kampingjet tona këtë vit. “Në krahasim me vitin e kaluar, rezervimet për muajin shtator janë dyfish më shumë dhe pritshmëria jonë është që ato të rriten deri në trefish në krahasim me vitin 2021”, komentoi për BTA krijuesi i platformës Nikollaj Nekov. Mbi 60% nga pjesëmarrësit në anketë deklarojnë se, nëse kishin mundësi do të punonin në distancë nga deti për një periudhë prej një muaji por madje dhe më gjatë. Kurse destinaciont më të njohura për pushim me fushues tek ne këtë verë janë kampingjet nëpër Bregdetin tonë Jugor të Detit të Zi, më tepër në rajonin rreth vendpushimeve Kiten dhe Llozenec.

Kohët e fundit po vihet re edhe një tendencë tjetër - gjithnjë e më shumë kompani preferojnë t’i dërgojnë nëpunësit e vet të punojnë e të pushojnë bashkë në fushues. Ky lloj pushimi dhe pune të ekipit në fushues ka një efekt të madh në marrëdhëniet brenda ekipit dhe përmirëson aftësinë e punës së punonjësve. Dhe ata, nga ana e tyre, vlerësojnë shumë këtë shtesë, e cila forcon besnikërinë e tyre ndaj kompanisë.

Prandaj nga platforma online deklaruan se deri në fund të këtij sezoni do t’u ofrojnë një shërbim të ri kompanive me një të menduar përparimtar - tu ofrojnë nëpunësve të vet dhe familjeve të tyre pushim me fushues në Bullgari.

Mbi temën mund të lexoni materialet e Radio Bullgarisë sa vijojnë:

Përpiloi: Veneta Nikollova

Përgatiti në shqip: Nataniela Vasileva

Foto: Pexels, karavani.bg

Më shumë nga rubrika

Me Babagjyshin e vitit të ri në Lapland apo në fshat në një bujtinë – ku do të festojnë bullgarët?

Kur bëhet fjalë për festime, ushqime apo udhëtime, bullgari nuk kursen lekët, por i pëlqen t'i kombinojë të tria. Dhe çfarë rasti më të mirë se festat e fundvitit? Krishtlindjt janë për tryezën familjare, pranë pemës me prindërit e moshuar,..

botuar më 22-12-21 10.35.PD

Na pret një sezon dimëror "i nxehtë", i kombinuar me inflacion të pandërprerë

Aktualisht rezervimet për vendpushimet tona dimërore po shkojnë shumë mirë dhe ndihet optimizëm në degën turistike. Bullgaria po përgatitet të mirëpresë afro 1.2 milionë të huaj deri në fund të marsit 2023, parashikon Instituti për Analiza dhe..

botuar më 22-12-15 7.15.PD
Parku Historik në fshatin Neofit Rillski

U dorëzuan Çmimet Vjetore të Turizmit 2022

“Parku Historik” në fshatin Neofit Rillski në rajonin e qytetit Varna, është fitues në kategorinë kryesore – “Zgjedhja e Bullgarëve”, në Çmimet Vjetore të Turizmit 2022, organizuar nga Ministria e Turizmit. Dallimin në kategorinë “Destinacion..

botuar më 22-12-14 7.46.MD