Për të dytin vit radhazi, laureatët e Festivalit Ndërkombëtar Folklorik “Me këngët e Kiçka Savovës” morën pjesë në një master-klasë të këngës popullore. Festivali, si dhe master klasa, organizohen nga fondacioni "Kiçka Savova", me në krye Stefka Zdravkova, vajza e këngëtares së njohurnga krahina folklorike trake.
“Ky është testamenti i nënës sime për të ardhmen e folklorit”, tha zonja Zdravkova në një intervistë para Bozhidar Çollakovit për BNR – Radio Kërxhali. - Për të dytin vit radhazi në sallën e Ansamblit “Trakia” mbahet master-klasa “Me këngët e Kiçka Savovës” nën udhëheqjen e mësueses Darina Sllavova. Ajo është një këngëtare e mrekullueshme popullore, soliste e “Trakia”, pedagoge e këndimit në Akademinë Kombëtare të Muzikës Panço Vlladigerov. Ishte nxënësja e preferuar e nënës sime. Dëshiroj të sqaroj se në master klasë marrin pjesë fëmijë që fituan çmimin e madh të Festivalit Ndërkombëtar Folklorik “Me këngët e Kiçka Savovës”, që u mbajt këtë vit për herë të 11-të. Master klasa është një projekt i përbashkët i Fondacionit Kiçka Savova dhe Darina Sllavova. Këta fëmijë janë e ardhmja e folklorit bullgar. Unë dua që ata të besojnë se ka dikush që do t'i dëgjojë dhe do t'i mbështesë për të ecur përpara.'' Ja se çfarë tha Darina Sllavova para gala koncertit të talenteve të reja:
“Emocioni që rezulton është i ndryshëm, por ajo që i bashkon është se u pëlqen të këndojnë. Ata vijnë me shpresën se do të mësojnë diçka të re, se do të prekin krijimtarinë, rrugën e jetës, shembullin e tyre, Kiçka Savova, dhe se në koncertin gala do t'i prezantojnë publikut atë që kanë mësuar. E reja këtë vit është pjesëmarrja e dy djemve - Zllatomir Dimitrov dhe Bozhidar Daçev. Posaçërisht për ta janë përzgjedhur këngë të përshtatshme për zërin mashkullor. Ata janë jashtëzakonisht të talentuar. Për klasën master jam munduar të përzgjedhë këngë të njohura nga repertori i Kiçka Savovës, si dhe disa më pak të njohura. Ato janë përshtatur me moshën e fëmijëve - për sa i përket gamës së zërit dhe emocioneve.
Për më të vegjlit, Iehaja Zheljazkova dhe Maria Hristova, ishte ndoshta më e vështirë sepse duhej të mësonin tekste të gjata, por ia dolën. Përpjekja e tyre për t'u paraqitur mirë para më të mëdhenjve i ndihmoi ato. Jam jashtëzakonisht e kënaqur edhe me të tjerët – Nikol Uzunova, Anna dhe Aleksandrina Prodanovi, Anastasia Pileva”.
Përpiloi: Allbena Bezovska
Përgatiti në shqip: Vesella Mançeva
Foto: Bozhidar Çollakov – BNR, KërxhaliMë 7 mars shënojmë 80-vjetorin e lindjes së një prej klarinetistëve më të njohur të muzikës popullore bullgare - Nikolla Iliev. I lindur më 7 mars 1944 në fshatin Konush të rajonit të qytetit Asenovgrad, ai u rrit në një familje të përkushtuar ndaj..
Pas një pauze dhjetëvjeçare, ylli i estradës bullgare, Lili Ivanova, do të mbajë sërish një koncert të madh në Bruksel. Ngjarja është më 6 mars në orën 20:00 me orën lokale në sallën legjendare "Flagey" të kryeqytetit belg dhe është nën patronazhin e..
Një nga grupet më të njohura dhe më të dashura të rokut bullgar – B.T.R., gjatë vitit 2024 shënon 30 vjetorin e tij. Muzikantët e festuan këtë përvjetor në fund të vitit të kaluar me një koncert të madh, i cili u prit me shumë interes nga publiku. Në..
Një version i ri dhe tejet emocionues i këngës së tyre legjendare “Përrallë” do të prezantohet nga muzikantët e grupit P.I.F. Emra ikonë nga estrada..