Nuk ka sektor pa tension social. “Njerëzit po varfërohen çdo ditë e më shumë, nëse ky proces nuk kontrollohet, tensioni social do të kthehet në bombë”, tha për BNR Todor Kapitanov, Nënkryetar i sindikatës më të madhe kombëtare – Konfederatës së Sindikatave të Pavarura në Bullgari.

Ai theksoi se nëse merren parasysh çmimet e mallrave të dorës së parë, inflacioni personal i çdo punonjësi është rreth 50 për qind. Në një situatë të tillë “është e pashmangshme rritja e të ardhurave në çdo sferë”, tha sindikalisti

Kapitanov tha se kërkesat për zhvillimin e negociatave për ngritjen e të ardhurave u parashtruan si para qeverisë së përkohshme, ashtu edhe në takimet e Konfederatës së Sindikatave të Pavarura dhe përfaqësuesve të partive që do të marrin pjesë në zgjedhjet e parakohshme.