Nga data 19 deri më 23 tetor, Frankfurti pret Panairin tradicional Ndërkombëtar të Librit, i konsideruar si panairi më i madh i librit në botë. Në edicionin e sivjetshëm marrin pjesë 7500 ekspozues dhe pritet që deri në fund të javës veprimtaria të frekuentohet nga 285 000 profesionistë të industrisë.
Bullgaria këtë vit përfaqësohet nga mbi 150 shtëpi botuese. Vizitorët në stendën bullgare B88, që ndodhet në sallën 4.0, mund të njihen me shembujt më të mirë të letërsisë sonë klasike dhe moderne. Prezantohen mbi 300 tituj, duke përfshirë librat e dekoruar dhe të nominuar të dy viteve të fundit.
Të dielën (23.10) në orën 11.30, përfaqësuesit e Shoqatës “Libri Bullgar”, e cila është organizatore e pjesëmarrjes sonë, do të takojnë fëmijët e shkollave bullgare në Frankfurt dhe Mainz, ndërsa aktiviteti do të mbyllet me një lexim letrar në kuadër të fushatës #Kauza Shkollim.
“Aty ku ka bullgarë, ka edhe libër, gjuhë dhe kulturë bullgare. Besoj se të dhënat alarmante të viteve të fundit në lidhje me shkrim-leximin janë vetëm një pengesë e përkohshme që mund të kapërcehet duke ndezur dashurinë për leximin, si dhe me programin kombëtar # Kauza Shkollim” – tha në hapjen e forumit kryetarja e Shoqatës “Libri Bullgar”, Desisllava Aleksieva.
Në kuadër të panairit në Frankfurt ka mundësi edhe për takime mes profesionistëve bullgarë dhe të huaj në fushën e botimit të librave. Pjesëmarrësit në forum diskutojnë çështje që lidhen me të drejtën e autorit në internet, punën me bibliotekat dhe lexuesit, nismat legjislative të BE-së dhe e fundit por jo më pak e rëndësishme - TVSH-në zero për librat, e cila u rekomandua nga Direktiva e Komisionit Evropian në fillim të këtij viti.
Përpilues: Veneta Nikollova
Përgatiti në shqip: Svetllana Dimitrova
Foto: Facebook /@BulgarianBookAssociation, ЕPA/BGNES
Piktori Donço Donçev përfaqëson Bullgarinë në një ekspozitë botërore për artin e krijuar nga materialet e ricikluara në kryeqytetin e Katarit, Doha. Ekspozita fillon më 18 shkurt dhe do të vazhdojë deri në fund të muajit. Bullgari do të prezantojë 10..
Portretet Popart të Vasill Levskit, të frymëzuara nga vepra e artistit Andy Warhol, janë krijuar nga nxënësit e klasës së njëmbëdhjetë në shkollën bullgare "Dr. Petër Beron" në Reding. "Nxënësit tanë e njohin mirë punën e Andy Warhol dhe për këtë arsye..
Nuk ka shumë bullgarë që mund të mburren me njohuri të jashtëzakonshme të historisë së një prodhuesi automobilistik. I tillë është Stefan Ivanov, i lindur në Drjanovo - krijues i një historie të ilustruar të markës Skoda. Më 16 mars të këtij viti, ai..
Ichak Finci ka lindur më 25 prill, pjesë e të ashtuquajturit “brezi i artë” i aktorëve bullgarë. Për udhëtimin e tij 91-vjeçar në tokë, Icko Finci le..