Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Në Ditën e Kryeengjëllit Mihaill në Manastirin “Shën Kryeengjëll Mihaill” pranë fshatit Kokaljane

10
Foto: Darina Grigorova

Më 8 nëntor Kisha Ortodokse Bullgare kremton luftëtarët qiellorë të dritës dhe të drejtësisë, të cilët sjellin lutjet e shenjtorëve përpara Zotit. Këta janë kryeengjëjt Mihaill, Gavriill, Rafaill, Uriill, Sallatiill,Jehudiill dhe Varahaiill. Për bullgarët Dita e Kryeengjëlli Mihaill është festa e dytë më e rëndësishme e vjeshtës pas Ditës së Shën Dhimitrit (26.10.)

Festat e mëdha kishtare na ftojmë të rizbulojmë rrënjët tona shpirtërore bullgare, ndërsa kushtet e mrekullueshme meteorologjike këtë vjeshtë i bëjnë shëtitjet deri në manastiret malore veçanërisht emocionuese.

Një itinerar i tillë është deri në Manastirin “Shën Kryeengjëlli Mihaill”, i cili është pjesë e kompleksit të manastireve që rrethojnë Sofjen të quajtur “Mali i Shenjtë i Sofjes”. Ai ngrihet në shpatin verior të malit Pllana, jo larg fshatit Kokaljane – në afërsi të Sofjes. Qasja në manastir është pak e vështirë, pasi një shteg i thepisur pyjor çon në të. Ai fillon pak pas fshatit nga i ashtuquajtura “Ura e Djallit” mbi lumin Vedena (një degë e lumit Iskër) dhe gjarpëron mbi rrugën kryesore që lidh Sofjen dhe Samokovin, përgjatë pjesës së sipërme të grykës së lumit Iskër.

Konsiderohet se themelet e manastirit u hodhën në shekullin e XI, gjatë sundimit të Mbretit Samuill dhe në të përfshiheshin shumë prona. Në kohën e pushtimit të Bullgarisë nga osmanët, pas rrëzimit të Kështjellës Urviç rrënojat e së cilës ndodhen në anën tjetër të grykës, në manastir u çuan shumë sende me vlerë dhe libra të vjetër. Ndër ato sende kishte dy relikte nga epoka e Mbretërisë së Dytë Bullgare, të lidhura me sundimtarin e fundit, Mbretin Ivan Shishman – një enë argjendi dhe një gotë prej kristali me zbukurime ari. Më vonë, gjatë sundimit osman, manastiri dy herë u vu në zjarre dhe u plaçkit. Në vitin 1858 Jeromonah Hrisand, që erdhi nga Manastiri i Rilës, e rimëkëmbi këtë vatër të shenjtë. Kisha që sot mund të shihet në oborrin e manastirit u ndërtua në vitin 1896 mbi rrënojat e kishës që ekzistonte në të kaluarën. Përveç kishës së madhe në manastir ka edhe dy kisha më të vogla të quajtura paraklise. Kambanorja u ndërtua në vitin 2000.

Pavarësisht bastisjeve, Manastiri “Shën Kryeengjëlli Mihaill”, arriti të ruajë të ashtuquajturin “Libër Urviç”, që përmban fjalë lavdëruese për kryeengjëjt Mihaill dhe Gavraill, ku fjala e Shën Klimentit të Ohrit është veçanërisht e vlefshme.

Më shumë për manastirin mund të lexoni në botimin Manastiri “Shën Kryeengjëlli Mihaill”.

Si duken dhe çfarë bëjnë engjëjt sipas përfytyrimeve popullore mund të lexoni në botimin: Legjenda për Kryeengjëjt Mihail e Gavriil dhe fuqitë e patrup

Përpilues: Darina Grigorova

Përgatiti në shqip: Svetllana Dimitrova

Foto: Darina Grigorova



Последвайте ни и в Google News Showcase, за да научите най-важното от деня!

Më shumë nga rubrika

Sot nderojmë mbrojtësin qiellor të Bullgarisë, Shën Ivanin e Rillës

Më 19 tetor Kisha Ortodokse Bullgare nderon kujtimin e Shën Ivanit /Joanit/ Mrekullitarit të Rillës /876-946/. Ivani i Rillës, ose Shën Ivan Rillski ,  është një klerik bullgar, shenjtori dhe vetmitari më i famshëm bullgar, mbrojtës i popullit..

botuar më 23-10-19 6.00.PD

Nderojmë shenjtoren Zllata Mëglenska - mbrojtëse e bullgarëve në mbarë botën

Më 18 tetor të krishterët ortodoksë nderojnë dëshmoren e madhe të Shenjtë Zllata Mëglenska. Ajo jetoi gjatë sundimit osman në gjysmën e dytë të shekullit të XVIII-të dhe u flijua për besimin në Krishtin. Zllata Mëglenska lindi në një familje të..

botuar më 23-10-18 10.54.PD
Apostoll Karamitev

Apostoll Karamitev një prej artistëve më të shquar bullgarë

Karizmatik, simpatik, i talentuar dhe shumë i dashur - ky është aktori Apostoll Karamitev, 100 vjetorin e të cilit shënojmë sot më 17 tetorin. Me këtë rast në Teatrin Dramatik “Adriana Budevska” në qytetin e tij të lindjes Burgas do të shfaqet filmi..

botuar më 23-10-17 6.30.PD