Programi i ditës
Madhësia e tekstit
Radioja Kombëtare Bullgare © 2023 Të gjitha të drejtat janë të rezervuara

Maria Gusejnova – një iluministe bullgare në Azerbajxhan

2
Foto: Desisllava Semkovska

Republika e Bullgarisë dhe Republika e Azerbajxhanit nisën marrëdhëniet diplomatike 30 vjet më parë, por edhe pse "toka e zjarrit" është vetëm 3 orë e 10 minuta larg me avion, ajo mbetet pak e njohur për bullgarët. Megjithatë, bashkatdhetarët tanë atje nuk e kanë humbur kurrë lidhjen me atdheun e tyre dhe merita kryesore për këtë shkon për Maria Gusejnova - zemra e komunitetit bullgar në Azerbajxhan.

“Bullgarët në Azerbajxhan ruajnë gjuhën, traditat dhe zakonet e tyre – thotë bashkëbiseduesja jonë. - Çdo komb ka karakteristikat e veta dhe është unik. Sidoqoftë, ka tipare të përbashkëta, që janë karakteristike si për bullgarët, ashtu edhe për popullin azerbajxhanas: ata janë mikpritës, shumë patriotë, ata respektojnë brezin e vjetër. Në Bullgari i duan këngët popullore, edhe në Azerbajxhan ato përcillen brez pas brezi ” – tregon Maria Gusejnova.

Sipas të dhënave të fundit, në Azerbajxhan jetojnë 278 bullgarë. Paraardhësit e Marias u shpërngulën atje nga qyteti Panagjurishte në fillim të shekullit të ХХ-të. E rritur me këngët dhe kulturën bullgare, Maria Gusejnova ua transmeton fëmijëve dhe nipërve të saj dashurinë për Bullgarinë.

“Këtë me siguri e kemi në gjak - dashurinë për Bullgarinë, dashurinë për zakonet bullgare, çdo gjë bullgare. Shumë njerëz pyesin se si e kemi ruajtur kaq gjatë gjuhën, edhe pse është një dialekt i vjetër bullgar dhe gjuha transmetohet në mënyrë të pavullnetshme. Gjyshja na fliste vetëm bullgarisht, nëna dhe babai ishin bullgarë. Madje familja ime mban edhe batanije që gjyshja e ka sjellë nga Bullgaria. Kam dalë nga materniteti e mbështjellë me atë. Fëmijët e mi lexonin Ivan Vazovin, Hristo Botevin. Kështu formohet qëndrimi dhe dashuria për historinë e Bullgarisë”, - thotë Maria.

Në vitin 2005, zonja Gusejnova realizoi ëndrrën e saj të hershme: të bashkojë dy vendet e dashura të saj atdhetare. Ajo themeloi Shoqatën "Ndihmë për zhvillimin e miqësisë Azerbajxhano-Bullgare". Në të njëjtin vit, në bullgarisht filloi të botohej revista "Akord", e cila shpërndahet në Azerbajxhan, Bullgari dhe Ukrainë. Së fundmi, Maria prezantoi në Bullgari projektin e saj të ri "Promovimi i vlerave kombëtare-shpirtërore të Azerbajxhanit në Bullgari dhe organizatat ndërkombëtare".

“Kur isha në Bullgari për herë të parë në vitin 2005, ndjeva se kishte shumë pak informacion për Azerbajxhanin, por tani edhe mediat tona, edhe strukturat jonë shtetërore po bëjnë shumë për të familjarizuar bullgarët me këtë vend. Vizitova Agjencinë Ekzekutive për Bullgarët Jashtë Shetit, Presidencën, Universitetin e Sofjes. Dhe u kërkova që të më mbështesnin në hapjen e Shtëpisë së Azerbajxhanit në Bullgari, sepse edhe ne, edhe ambasadori duam të popullarizojmë historinë, prodhimin e Azerbajxhanit, të zhvillojmë turizmin. Do të doja që edhe unë të jepja kontributin tim sado të vogël në forcimin dhe zhvillimin e miqësisë Azerbajxhano-Bullgare. Puna ime, jeta ime sot synon pikërisht këtë gjë. Faleminderit të gjithë bullgarëve, gjithë Bullgarisë, që na kujtoni, që silleni me ne në këtë mënyrë”- me këto fjalë të ngrohta e mbylli intervistën e saj për Radio Bullgarinë Maria Gusejnova.

Përgatiti në shqip: Kostandina Bello


Galeria

Më shumë nga rubrika

Me shpirtin e një udhëtari – blogerja Elena Koleva

E lindur me shpirtin e një udhëtari, Elena Koleva dëshironte që e vogël të njihej me tokat ekzotike dhe bukuritë jo shumë të njohura bullgare. Ishte vetëm katër vjeç, kur mësoi të lexonte. Në atë kohë gjen rastësisht një libër të quajtur "Atlasi i..

botuar më 23-06-03 1.15.MD
Georgi Gospodinov dhe Bianka Bellova

Shkrimtarja e talentuar çeke Bianka Bellova e ruan lidhjen me Bullgarinë

Bianka Bel l ova njihet si një nga shkrimtaret bashkëkohore çeke më të suksesshme dhe më të lexuara, ndërsa ajo vetë është krenare për origjinën e saj bullgare dhe thotë se çdo lexues do të zbulojë një copëz bullgare në romanet e saj...

botuar më 23-05-25 7.15.PD
Me “Përrallën e Veriut” Neli Nenkova fitoi çmimin e jurisë për arritje të larta

Neli Nenkova, e cila fitoi një çmim nga shoqata më e vjetër e piktorëve të Kanadasë

Në mëngjesin e ftohtë të dimrit, dielli pikturon një pyll të stilizuar, duke shpërbërë errësirën e natës dhe bardhësinë e borës në tone delikate. "Përralla e Veriut" është një pikturë e Neli Nenkov ës - një artiste bullgare që jeton në Kanada. Puna..

botuar më 23-05-18 7.10.PD