Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Sukses bullgar në Kampionatin Botëror të Debatit në Madrid

Elokuencë, shpejtësi, por jo vetëm ... çfarë vetish janë të nevojshme për të fituar një konkurs debati

Delegacioni bullgar në Kampionatin Botëror të Debatit në Madrid
Foto: Facebook / @debatebg

Garuesit për të cilët do t’ju tregojmë sot nuk stërviten për qëndrueshmëri fizike, por shpirti i tyre sportiv u jep avantazh në garën në të cilën ata fituan një sukses të madh - finalen e Kampionatit Botëror të Debatit.

Ndoshta ekzistenca e një kampionati të tillë është befasi, por po, ka një garë të tillë. Dhe konkurrentët bullgarë janë në një nivel shumë të lartë. Kryeqyteti spanjoll Madrid priti një forum të ngjashëm (27 dhjetor - 4 janar), në të cilin morën pjesë më shumë se 250 ekipe nga e gjithë bota. Mes tyre ishin Nikollaj Angellov dhe Rumen Marinov, të cilët arritën në finale. Në kampionat morën pjesë edhe dy skuadra të tjera nga Bullgaria - Maria Maçeva dhe Biser Angellov arritën në çerekfinale, ndërsa skuadra e Alek Sellveliev dhe Velina Andonova u kualifikua në 1/8 e pjesshme.

Fillimisht, të gjitha skuadrat kalojnë në 9 raunde debatesh, pas së cilës bëhet renditja dhe fillojnë raundet e eliminimit, shpjegoi Rumen Marinov dhe i tregoi Radio Bullgarisë më shumë detaje rreth teknologjisë së kampionatit, ku garuesit mbrojnë ose hedhin poshtë një tezë të caktuar:

Nikollaj Angellov dhe Rumen Marinov

“Për secilën nga temat kishte dy skuadra “Kundër” dhe dy të tjera “Pro”. Çdo folës ka 7 minuta, duke filluar nga personi nga ekipi “Pro”, i ndjekur nga personi nga ekipi “Kundër”. Skuadrave u jepet tema e raundit përkatës të debatit 15 minuta para fillimit të tij. Pas përfundimit të të gjitha raundeve, skuadrat fituese grupohen sipas forcës. Skuadra jonë me Nikollaj Angellov u rendit në mesin e garuesve të fortë me shumë fitore. Ne arritëm t'i mposhtim ata dhe të kualifikoheshim në raundet e eliminimit".

Në finale, Nikollaj dhe Rumen u përballën me skuadra nga Filipinet, Izraeli dhe Britania e Madhe, duke mos pasur vetëm pak vota për të fituar konkursin. Filipinasit ishin fitues.

Debatet mbahen për një gamë të gjerë temash nga fusha të ndryshme – politika, historia, filozofia, teknologjitë e reja, inteligjenca artificiale dhe të tjera. Është kureshtare që për të marrë pjesë në një konkurs të tillë nuk është e nevojshme të kesh njohuri të thelluara në asnjë fushë, por vetëm bazën, së bashku me elokuencën, shpejtësinë dhe zgjuarsinë.

Gjëja më e rëndësishme është që njeriu të jetë në gjendje të sintetizojë një vëllim të madh informacioni që është i kuptueshëm për palën tjetër – shton Rumen Marinov. - Është gjithashtu e rëndësishme që gjyqtari të kujtojë argumentet tuaja. Kjo zakonisht bëhet nga toni me të cilin flisni dhe nga efekti i tij tek ai. Një zotërim i mirë i gjesteve si dhe i gjuhës së trupit është gjithashtu i rëndësishëm për suksesin në një garë të tillë”.

Përveç pjesëmarrësve, Bullgaria kishte një përfaqësues të saj edhe në mesin e gjyqtarëve të kampionatit - Ani Kovaçeva.

Ani Kovaçeva

“Gjyqtarët caktohen me ndihmën e një programi. Pas përfundimit të debatit, gjyqtari duhet të zgjedhë, bazuar në argumentet e shpjeguara dhe të strukturuara më mirë mbi temën, se cili ekip cilin vend zë në renditje. Zakonisht kjo ndodh në një diskutim me të paktën disa gjyqtarë të tjerë, domethënë, vendimi nuk është kurrë unanim. Ani ishte gjyqtare në 9 raundet, por nuk arriti të kualifikohet në eliminime, pasi merret me këtë hobi që prej pak kohe”, na shpjegoi Rumen Marinov, i cili punon si specialist i IT-së.

Në vendin tonë që nga viti 2011 ekziston organizata joqeveritare “Asociacioni debate Bullgaria”, në të cilën janë anëtarë të gjitha klubet e ngjashme nga shkollat dhe qytetet në mbarë vendin. Detyra e shoqatës për momentin është krijimi i një ekipi kombëtar të debateve, me të cilin anëtarët më të mirë të tij ta përfaqësojnë Bullgarinë në garat ndërkombëtare.

Përgatiti në shqip: Vesella Mançeva

Foto: Facebook / @debatebg



Последвайте ни и в Google News Showcase, за да научите най-важното от деня!

Më shumë nga rubrika

Instituti bullgar INSAIT është ndër institutet kryesore në botë që punojnë mbi inteligjencën artificiale

Instituti bullgar INSAIT bëri një përparim historik me 16 artikuj në konferencën CVPR - forumi më i cituar për inteligjencën artificiale dhe vizionin kompjuterik në botë. Suksesi e rendit vendin në dhjetëshen e vendeve më të mira në Evropë, njoftoi..

botuar më 24-03-26 1.36.MD
Nënë Kadire nga Gora

Te nashencit në Gorën e Kukësit (VIDEO)

Midis maleve të Sharrit, Korabit dhe Koritnikut ndodhet rajoni historiko-gjeografik i Gorës, popullsia e të cilit e quan veten "torbeshë", "bullgarë", "nashenci"... Sot kufiri verilindor i Shqipërisë e ndan Gorën në dy pjesë - në lindje, në të..

botuar më 24-03-25 7.35.MD

Niveli mesatar i papunësisë në Bullgari është afër 6%

Me një normë mesatare të raportuar të papunësisë prej 5,8 për qind, në qytetin e Sofjes ajo është 1,6 për qind. Sipas të dhënave të Agjencisë së Punësimit, te data 31 janar 2024, papunësia është më e larta në rajonin e qytetit të Vidinit – pak nën 16..

botuar më 24-03-25 1.26.MD