Bashkimi Evropian planifikon të vendosë sanksione të reja ndaj Rusisë në lidhje me përvjetorin e pushtimit të Ukrainës, njoftoi Ursula von der Leyen pas një takimi në Kiev me Vollodimir Zelenski. Presidenti i Komisionit Evropian mbërriti dje në kryeqytetin ukrainas së bashku me 15 komisionerë evropianë për të diskutuar dëshirën e Ukrainës për anëtarësim në BE.
“Rusia po paguan një çmim të lartë sepse masat tona ndëshkuese po minojnë ekonominë e saj, duke e kthyer atë një brez prapa”, tha von der Leyen. Sipas saj, tavani i çmimit të naftës ruse prej 60 dollarë për fuçi, i vendosur në fillim të dhjetorit, i kushton vendit rreth 160 milionë euro në ditë. “Me partnerët tanë nga G-7, do të vendosim një tavan shtesë për çmimet e produkteve të naftës ruse”, tha kryetari i KE.
Përveç miratimit të paketës së dhjetë të sanksioneve për Rusinë, Ursula von der Leyen njoftoi gjithashtu se në Hagë do të hapet një qendër ndërkombëtare për hetimin e krimeve në Ukrainë. “Rusia po përgatit forcat e saj të armatosura për t’u hakmarrë jo vetëm ndaj Ukrainës, por edhe ndaj Evropës së lirë”, paralajmëroi Vollodimir Zelenski. Ai theksoi se ëndrra për një Evropë paqësore mund të realizohet vetëm me Ukrainën dhe vetëm nëse Rusia mposhtet.
"Ata që përfshijnë vendet evropiane, përfshirë Gjermaninë, në një luftë të re me Rusinë dhe besojnë në mposhtjen e saj në fushën e betejës, padyshim që nuk e kuptojnë se lufta moderne me Rusinë do të jetë krejtësisht ndryshe për ta”, tha presidenti Vlladimir Putin gjatë vizitës së tij në Vollgograd me rastin e 80-vjetorit të fitores së Bashkimit të Republikave Socialiste Sovjetike ndaj Gjermanisë naziste në Betejën e Stalingradit. Ai theksoi se tanket gjermane “Leopard” po kërcënojnë sërish vendin e tij dhe vazhdoi: “Rusia nuk dërgon tanke në kufijtë e vendeve perëndimore, por ka me çfarë të përgjigjet dhe jo vetëm me mjete të blinduara”. Zëdhënësi i Kremlinit Dmitrij Peskov sqaroi më vonë fjalët e presidentit rus. “Kjo do të thotë se Rusia ka një potencial të thellë dhe me shfaqjen e armëve të reja të furnizuara nga Perëndimi, ajo do ta aktivizojë atë, që të jetë në gjendje të përgjigjet gjatë operacionit special ushtarak”, tha ai.
Pas 4 vitesh hetime, Prokuroria e Qytetit të Sofjes dorëzoi në gjykatë aktakuzën kundër Vasill Bozhkovit, i njohur si bos i lojërave të fatit, dhe 9 personave të tjerë, përfshirë zyrtarë të Komisionit të Mbyllur Shtetëror të Lojërave të Fatit, për një..
Kryeministri në detyrë Dimitër Gllavçev dhe ushtruesi i detyrës së ministrit të transportit dhe komunikacioneve Georgi Gvozdejkov diskutuan për përgatitjet për zgjedhjet për Kuvendin Popullor dhe për deputetë evropianë të 9 qershorit 2024. Gllavçev..
Për periudhën korrik - dhjetor 2023, Kuvendi miratoi 51 amendamente, të cilat ndryshojnë dhe plotësojnë 43 ligjedhe 79% ose 34 nga këto 43 ligje janë ndryshuar më shumë se një herë. Kjo është përqindja më e lartë e amendamenteve në 12 vitet e fundit,..
Të mërkurën temperaturat minimale në vend do të lëvizin ndërmjet 7 dhe 12°, në Sofje 9°. Gjatë ditës do të jetë kryesisht me diell. Pas mesditës në..
Shoqata Ukrainase e Përpunuesve të Qumështit synon të dyfishojë importin e lëndëve të para të saj në tregun bullgar. Kjo u bë e qartë në takimin e parë..
Pas 4 vitesh hetime, Prokuroria e Qytetit të Sofjes dorëzoi në gjykatë aktakuzën kundër Vasill Bozhkovit, i njohur si bos i lojërave të fatit, dhe 9..