Kushdo që viziton Тhesarin e Habsburgëve në Vjenë do të shohë kurorën e Ishtvan (Stefan) Boçkaj, për të cilën disa studiues gjejnë argumente se ajo i përkiste sundimtarëve bullgarë të Mbretërisë së Dytë.
Sipas studiuesve, kurora është bërë në Persi, peshon 1,88 kg dhe është 23,5 cm e lartë. Është e zbukuruar me gurë të çmuar, të prerë në mënyrë shumë primitive. Mbi të është vendosur një gur i gjelbër (ndoshta smerald jo shumë i përpunuar). Perlat janë të renditura në vija radiale. Baza e kurorës është gjithashtu prej dy rreshtash me perla. Në pjesën e përparme është vendosur një kryq që dallohet me vështirësi dhe sipas vëzhgimeve të një hungarezi që u vendos të jetonte në Sofje, kurora e carit bullgar Ivan Shishman nuk u zhduk pa lënë gjurmë. Argumentet e tij mbështeten edhe nga historianët, pasi në kohën e skllavërisë së pjesshme turke 150-vjeçare të Hungarisë, Ishtvan Boçkaj sundonte Principatën e Transilvanisë (Hungaria Lindore). Në vitin 1605, ai u shpërblye nga sulltani turk Ahmed I me kurorën e Mbretit Ivan Shishman, sundimtarit të fundit të mbretërisë së dytë bullgare. Ajo njihet si "kurora Boçkaj". Në fakt, Transilvania ishte një ish territor bullgar deri në themelimin e shtetit hungarez.
Supozohet se kurora e Ivan Shishmanit është e njëjta që mbreti Kallojan mori në 1204 nga Papa i Romës. Një afresk i shekullit të 14-të nga manastiri në fshatin Lesnovo tregon Mbretin Stefan Dushan me pothuajse të njëjtën kurorë.
Përpilues: Gergana Mançeva
Përgatiti në shqip: Kostandina Bello
Më 5 janar, në vigjilje të Theofanisë, në kishat ortodokse shërbehet Liturgjia e Shenjtë dhe bëhet Bekimi i Madh i Ujit. Rituali quhet Vodici nga populli. Dita quhet edhe Lartësimi Dimëror i Kryqit të Nderuar. Kjo festë mbyll ciklin e “ditëve të pista”..
Gjetje unike dolën në dritë gjatë hulumtimit të zonës ujore midis Kepit Kilik dhe Kepit Illanxhik në veri të grykëderdhjes së lumit Kamçija. Në të kaluarën, gjiret e tyre të fshehta strehonin anijet e lashta gjatë stuhive të furishme të Detit të Zi ...
Në kalendarin bullgar, Dita e Ignat Hyjmbajtësit është festë popullore dhe kishtare, e cila kremtohet nga Kisha Ortodokse Bullgare më 20 dhjetor . Ajo i kushtohet Shën Ignat Hyjmbajtësit, dishepull i Gjon Teologut dhe peshkop i Kishës së..