Më 25 mars do të fikim dritat për një orë për të mbështetur planetin, por në të njëjtën kohë të sjellim dritë mbi problemin e habitateve të kufizuara të kafshëve të egra në Bullgari. Në kuadër të fushatës globale “Ora e Tokës”, organizata për mbrojtjen e natyrës WWF në Bullgari ka nisur një iniciativë për rikuperimin e popullatave të rrëqebullit dhe blirit të Danubit në trojet tona, të quajtur “Shtëpi e Përbashkët. Një e ardhme e përbashkët”.
Një nga problemet më të mëdha me të cilat përballen mishngrënësit e mëdhenj në Bullgari është nevoja e tyre për territore të mëdha dhe nevoja për të pasur një lidhje midis habitateve të tyre, të cilat nuk gjenden gjithmonë brenda kufijve të vetëm një shteti. Për të përballuar këtë problem, ambientalistët po marrin iniciativa për shpalljen e territoreve të reja me shkallë të ndryshme mbrojtjeje, pasi parqetdhe rezervatet natyroreaktualisht zënë vetëm 5% të territorit të vendit tonë. Në këtë mënyrë do të bashkohen habitatet dhe do të krijojnë kushte për kthimin e specieve të zhdukura prej kohësh në vendin tonë.
Rrëqebulli është një legjendë në mbretërinë tonë pyjore
Dikur rrëqebulli ka qenë një specie e kyçe në gjerësinë tonë gjeografike, në Bullgari konsiderohet i zhdukur që nga viti 1941, kur u vra dhe rrëqebulli i fundit i Ballkanit i regjistruar zyrtarisht në vendin tonë.
Jo më pak alarmante është situata me “dinosaurët e Danubit”që janë shumë të rrezikuar
Rrjedha e poshtme e lumit, në kufirin midis Bullgarisë dhe Rumanisë, është shtëpia e popullatave të fundit të blirit të Danubit, që shumohen në një habitat natyral në Bashkimin Evropian. Duke mbijetuar për 200 milionë vite me rradhë, ata tani përballen me një sërë pengesash që bllokojnë rrugët e tyre të migrimit dhe shkatërrojnë vendet e vezëve.
Prandaj, këtë pranverë, nisma më e madhe globale kushtuar mbrojtjes së planetit - "Ora e Tokës" - do të zhvillohet në Bullgari nën logon e WWF për të ringjallur habitatet natyrore.
Përgatitinë shqip: Kostandina Bello
Foto: Facebook/WWFBulgaria
Më 18 shtator fillon regjistrimi i popullsisë në Shqipëri. Procesi do të zgjasë gjashtë javë. Pyetësori përmban rreth 100 pyetje dhe vetëm tre prej tyre, të lidhura me besimin, përkatësinë etnike dhe fetare, nuk janë të detyrueshme...
Më 17 shtator në ditën e Dëshmoreve të Shenjta Sofia, Besa, Shpresa dhe Dashuria shënojmë edhe ditën e kryeqytetit tonë – Sofja. Lidhur me këtë para kishës “Shën Sofia” në Sheshin “Shën Aleksandër NevskI” do të shërbehet një liturgji me bekim..
Më 16 shtator, në qytetin Shablla mbahet një festival i pjellorisë. Përfaqësuesit e të gjitha vendbanimeve të komunës do t'i tregojnë frytet e punës dhe natyrës në Parkun e Qytetit të Shabllës. Programi përfshin konkurse për perimet më të mëdha,..
Pikërisht pas një muaji, më 29 tetor, bullgarët do të zgjedhin kryetarët e bashkive dhe këshilltarët bashkiakë për katër vitet e ardhshme. Janë 30 ditë..
“Vjeshta është koha për të korrur atë që është mbjellë, për të festuar arritjet, për të bërë bilancin. Vjeshta është ai momenti i bukur kur natyra na..
Për të pestin vit radhazi, Race for the Cure (Gara për kurën) po mbahet në Bullgari në mbështetje të shëndetit të grave. Fillimi është në orën..
Pjesërisht me re
Vranësira të dendura