Një park industrial do të krijohet në qytetin e Bullgarisë Verilindore Sliven në një pjesë të ish-aeroportit “Bershen” në një sipërfaqe prej afro 2700 dynymësh. Projekti, i cili është një nga më të mëdhatë për zhvillimin industrial në territorin e Bullgarisë, u përfshi në regjistrin e parqeve industriale me vendim të ministrit të ekonomisë dhe industrisë, Bogdan Bogdanov. Kështu bëhet pjesë e politikës së investimeve në nivel kombëtar me mundësi për të tërhequr investitorë, theksoi ministri. Aktivitetet për krijimin e “Parkut Industrial Sliven” filluan në vitin 2019 dhe kaluan nëpër disa faza gjatë viteve deri në finalizimin e dokumentacionit të plotë dhe mundësinë e realizimit të projektit, njoftoi korrespondenti i BNR në Sliven Stojan Radev.