Prioritetet kryesore të biznesit – anëtarësimi në Eurozonë dhe Shengen me bazë tokësore, mbeten në plan të dytë. Ata janë motorët që mund t'i japin një shtysë ekonomisë dhe mungesa e një qeverie të rregullt i pengon ato të arrihen, tha për BNR Stanisllav Popdonçev, nënkryetar dhe drejtor financiar i Dhomës Bullgare të Tregtisë. Për momentin nuk kemi një datë specifike për Shengenin tokësor. Për Eurozonën kemi shanse të mira për të përmbushur kriteret. Nëse synojmë një datë në vitin 2025 për Eurozonën, kjo do të thotë se nuk mund të bëjmë ndryshime drastike, veçanërisht ato që do të ndikonin në inflacion. Në 4 vitet e fundit asnjëherë nuk kemi mundur të respektojmë procedurën buxhetore. Ka të dhëna se edhe këtë vit do të jetë kështu. Kjo është mjaft e rrezikshme për biznesin dhe u tregon partnerëve evropianë se kriza politike në vendin tonë nuk ka zgjidhje, theksoi Popdonçev.