Është shumë herët për të parashikuar se si ngjarjet në Siri do të ndikojnë në luftën në Ukrainë. Kështu thotë Komisioneri Evropian i Mbrojtjes Andrius Kubilius në një intervistë blitz për BNR - Horizont. Komisioneri Evropian kujton se, sipas shërbimeve të inteligjencës gjermane dhe perëndimore, Rusia do të ishte gati për agresion kundër vendeve fqinje evropiane para vitit 2030. Sipas tij, NATO do t'u kërkojë aleatëve të rrisin shpenzimet e mbrojtjes nga 2 në 3% të PBB-së. Vetë Kubilius e hodhi këtë ide, por për vendet e BE-së. Ai beson se është e gabuar që vendet evropiane të kundërshtojnë ndihmën ushtarake për Ukrainën. “Sepse nëse dështojmë në ndihmën tonë për Ukrainën dhe ajo humbet luftën, atëherë kërcënimi i drejtpërdrejtë i agresionit rus ndaj nesh bëhet shumë më i madh”, thekson Komisioneri Evropian i Mbrojtjes.