Shumica në parlament hodhi poshtë propozimin e partisë "Vëzrazhdane" për të dëgjuar Ministrin e Punëve të Jashtme Georg Georgiev me rastin e votimit të eurodeputetëve në Komisionin e Politikës së Jashtme të Parlamentit Evropian, i cili miratoi raportin mbi progresin e Maqedonisë së Veriut në rrugën e saj drejt BE-së.

• Komisioni i Punëve të Jashtme i PE-së miratoi projektraportin e progresit për RSM-në pa amendamentet bullgare

Lideri i “Vëzrazhdane” Kostadin Kostadinov i bëri thirrje qeverisë të japë dorëheqjen dhe theksoi se me këtë votim vendi ynë ka pësuar një humbje poshtëruese.

Në margjinat e parlamentit, kreu i GERB-it, Bojko Borisov, theksoi se qeveria po bën përpjekje për të zgjidhur problemet me Maqedoninë e Veriut. Borisov deklaroi se një zhvillim i tillë nuk do të kishte ndodhur nëse ai do të kishte qenë kryeministër.

Lideri i GERB-it vuri në dukje gjithashtu se ka folur me Manfred Weber dhe përfaqësuesit e Partisë Popullore Evropiane (PPE) dhe siguroi se raporti i PE-së nuk është detyrues. Sipas Borisov, amendamentet do të propozohen nga e gjithë Partia Popullore Evropiane dhe nuk do të anashkalohen. "PPE nuk është vetëm më e madhja, por edhe më e fuqishmja, dhe ne do të kemi sukses në mbrojtjen e historisë dhe vendit tonë", shtoi udhëheqësi i GERB-it, i cituar nga BTA.

• Ivajllo Vëllçev: Të gjithë eurodeputetët bullgarë janë të bashkuar për çështjen me RSM-në

• MPJ: Shqetësimet tona për Republikën e Maqedonisë së Veriut lidhen me të drejtën e bullgarëve për vetëvendosje

Redaktoi: Darina Grigorova

Përgatiti në shqip dhe publikoi: Vesella Mançeva

Foto: BGNES