Ministria e Jashtme e Kroacisë rekomandoi që kroatët të shtyjnë të gjitha udhëtimet jo të domosdoshme në Serbi, njoftoi televizioni kombëtar HRT. “Duke marrë parasysh se shpesh ka bllokime spontane të rrugëve për shkak të protestave qytetare, është e pamundur të vlerësohet paraprakisht gjendja në rrugë dhe rrethanat e mundshme rënduese, të cilat mund të ndikojnë ndjeshëm në rrjedhën e trafikut në të gjithë vendin. Veçanërisht këshillojmë qytetarët kroatë të shmangin vendet ku mblidhen një numër i madh njerëzish”, thuhet në njoftimin e ministrisë.

Pas Vidovdenit – 28 qershor, në Beograd dhe në qytetet e mëdha nuk ndalen protestat, bllokimet dhe aktet e mosbindjes, me kërkesa për zgjedhje të parakohshme. Gjatë përleshjeve të policisë me të pakënaqurit nga qeverisja e presidentit Aleksandër Vuçiç, ka shumë të arrestuar.

Buxheti i Rumanisë për vitin 2025 është bazuar mbi një parashikim për rritje ekonomike prej 2,5%. Parashikimi i Bankës Kombëtare të Rumanisë për inflacionin vjetor është 3,8%.

Prokuroria e Përgjithshme në Stamboll urdhëroi arrestimin e tre redaktorëve në një prej revistave kryesore satirike në vend LeMan, njoftoi BTA. Autoritetet janë të pakënaqura që më 26 qershor revista ka botuar një karikaturë me fytyrën e profetit Muhamed. 

Një kopje e ilustrimit bardh e zi në rrjetet sociale, tregon burra në qiej, të ngjashëm me profetët Muhamed dhe Moisiu, të cilët shtrëngojnë duart mbi një qytet të goditur nga raketa dhe bomba. Pas përhapjes së lajmit, protestues sulmuan një bar në qendër të Stambollit, të frekuentuar nga punonjës të revistës, dhe erdhi deri te përleshjet me policinë.

Ministri i Punëve të Brendshme Ali Erliçaja njoftoi se karikaturisti Dogan Pehlivan është arrestuar. Revista kërkoi nga autoritetet mbrojtje dhe pretendon se i vizatuari nuk është profeti Muhamed.

Qëndrim pozitiv ose shumë pozitiv ndaj BE-së kanë 41% e të rinjve në Maqedoninë e Veriut. 24% kanë qëndrim negativ, ndërsa pothuaj 35% nuk kanë mendim. Sipas hulumtimit të Institutit për Qeverisje të Mirë dhe Perspektiva Euroatlantike në Shkup dhe Qendrës Evropiane për Arritje të Larta në Bruksel, 46,5% e të rinjve maqedonas nuk besojnë se vendi do të bëhet anëtar i BE-së. 35,8% mendojnë se integrimi evropian do të jetë në një të ardhme më të largët. Vetëm 6,7% besojnë se kjo do të ndodhë brenda 5 vitesh. Si pengesë më të madhe për integrimin evropian, 84,6% e të rinjve tregojnë korrupsionin. 60% kanë besim të ulët në institucionet. Interesimi më i madh tek të rinjtë shkaktohet nga mundësitë për punë dhe jetë në BE – 76,2%. Më shumë se gjysma e të anketuarve presin që brenda 5 vitesh Shqipëria të jetë pjesë e BE-së, njofton BGNES.

Ai konfirmoi vendosmërinë e Malit të Zi për t’u bërë anëtar i BE-së, duke theksuar mbështetjen e fortë shoqërore dhe përparimin në procesin e negociatave, ndërkohë që nënvizoi nevojën për luftë efektive kundër krimit të organizuar dhe korrupsionit.

Sipas raportuesit të Parlamentit Evropian për vendin Marjan Sharec, përparimi varet nga reformat kyçe në sistemin gjyqësor, liria e mediave dhe legjislacioni zgjedhor. Sharec bëri thirrje që Mali i Zi të shmangë polarizimin politik dhe të mbetet i përqendruar në synimet e tij evropiane, njofton RTCG.