Tre ditë në mesin e korrikut gëzojnë vëmendje të veçantë në kalendarin bullgar. Kjo është koha më e ngrohtë e vitit dhe populli ynë i quan me elokuencë 15, 16 dhe 17 korrik – Ditët e Nxehta (Goreshtnici). Në këtë mënyrë, paraardhësit tanë nderonin forcën e papërmbajtshme të zjarrit, që vjen nga Dielli dhe na dhuron nxehtësi dhe dritë.

Ashtu si për të gjitha ditët dhe festat e tjera të veçanta, edhe për Ditët e Nxehta vlejnë ndalime të caktuara – për shembull, nuk rekomandohet të piqet bukë, për të mbrojtur fushat dhe të korrat nga fatkeqësitë e zjarrit dhe breshëritë. Besohej se çfarëdo që të punohej në këto ditë, do të digjej, prandaj gratë nuk merreshin me punë dore.

Nuk është rastësi që dita e tretë e Ditëve të Nxehta përkon me festën e Shën Marinës, e quajtur nga populli Marina e Zjarrtë. Ajo simbolizon zjarrin qiellor, dhe më 17 korrik tradita kërkon që të ndizet një zjarr, i cili hidhet për së gjati për shëndet, dhe më pas njerëzit marrin prej këtij zjarr për të ndezur vatrën në shtëpitë e tyre.

• Nderojmë Shën Marinën – mbrojtëse e ujërave

• Respekti ndaj Shën Marinës është pjesë e jetës dhe traditave në fshatin Botevo

Moti gjatë këtyre tre ditëve tregon si do të jenë kushtet meteorologjike në tre muajt e parë të vitit pasardhës. Nëse dita gjatë Ditëve të Nxehta është e ngrohtë dhe me diell, atëherë muaji përkatës – janari, shkurti apo marsi – gjithashtu do të jetë i butë, pa borë, i ngrohtë dhe me reshje shiu.

Por nëse moti është i ftohtë gjatë korrikut, kjo parashikon dimër të ftohtë me stuhi. Më shumë për besimet, ndalimet dhe ritet që lidhen me këto tri ditë “të zjarrta” të vitit mund të lexoni në publikimet nga koleksioni i Radio Bullgarisë:

• Erdhën ditët më të nxehta të stinës së verës

• Ditët më të nxehta të korrikut

Redaktoi: Elena Karkallanova

Përgatiti në shqip dhe publikoi: Svetllana Dimitrova

Foto: Pixabay