Më 28 dhe 29 gusht, sheshi "Shën Aleksandër Nevski" do të bëhet përsëri një sallë koncertesh në ajër të hapur. Ylli bullgar i operës Sonja Jonçeva synon që festivali dy-ditor "Gala në Sofje" të bëhet një traditë vjetore - një urë lidhëse midis brezave, kulturave dhe zhanreve. Pas edicionit të parë të suksesshëm në vitin 2021, këtë vit eventi kthehet me dy mbrëmje, duke premtuar një festë të vërtetë për adhuruesit e operës, operetës, zarzuelës spanjolle, muzikës popullore bashkëkohore dhe muzikës filmike.
Në koncertin e parë, të titulluar "Mbrëmja italiane", tenori me famë botërore Vittorio Grigolo do të debutojë në Bullgari. Së bashku me Sonja Jonçevën, ai do të prezantojë një program interesant me arie dhe duete nga operat e Verdit dhe Puçinit, si dhe kanconeta të njohura italiane dhe melodi të preferuara nga filmat më të shikuara.
Mbrëmja e dytë (29 gusht) do të bashkojë për herë të parë në një skenë në Bullgari legjendat Plácido Domingo dhe José Carreras së bashku me Sonja Jonçevën. Ata do të interpretojnë arie dhe duete të preferuara nga operat e Verdit, Puçinit, Giordanos, Cilea-s, Bizet dhe Dvořák, hite nga operetat e Lehár, fragmente nga muzikalet e Leonard Bernstein dhe Mitch Lee, këngë të njohura dhe romancën e preferuar "Kjo thjesht nuk mund të jetë" ("No puede ser") nga zarzuela "Zonja e portit" nga Pablo Sorozábal, e shndërruar në një hit nga Plácido Domingo, i cili gjithmonë e interpreton atë në koncertet legjendare të "Tre Tenorëve".
Në fakt, "Gala në Sofje 2025" zhvillohet në vitin e 35-vjetorit të krijimit të kësaj marke globale, trios më të famshme të operës të të gjitha kohërave. Më 12 tetor, bota do të festojë edhe 90-vjetorin e lindjes së të paharrueshmit Luciano Pavarotti. Me këtë rast tenorët yje që do të vizitojnë vendin tonë - Domingo, Carreras dhe Grigolo, do të marrin pjesë gjithashtu në një koncert të madh në kujtim të Pavarotti në Arena di Verona vetëm një muaj pas koncerteve në Sofje.
Lexoni më shumë:
Përpiloi: Cvetana Tonçeva
Përgatiti në shqip dhe publikoi: Vesella Mançeva
Foto: musicaperpetua.com, organizatorët
Gjatë 14 viteve, që kur është në skenë, Mihaella Fileva u afirmua si një nga këngëtaret më të suksesshme të brezit të ri në Bullgari, duke fituar zemrat e një publiku të gjerë. Më 22 tetor në një koncert madhështor në Sofje ajo do të prezantojë këngët..
Një nga ngjarjet muzikore të padiskutueshme të këtij sezoni është koncerti i Barcelona Gipsy balKan Orchestra (BGKO) . Më 22 tetor në Plovdiv, formacioni sensacional etno do të performojë një spektakël të zjarrtë që e çon muzikën përtej dallimeve..
Një ansambël prej dy ose më shumë harpash nuk është diçka e re në skenën bullgare. Por për herë të parë do të kemi mundësinë të dëgjojmë një oktet të tërë, që sigurisht është një ngjarje për vendin tonë . Ideja, përzgjedhja e programit dhe..
Lili Ivanova do të këndojë për herë të dytë në sallën “Olimpia”. Koncerti parashikohet për më 24 maj 2026 dhe zhvillohet nën patronazhin e..
Muzikantët e Grupit “Horizont” dhe këngëtarja Mariana Popova regjistruan një këngë të përbashkët – “Pa ty”. “E njohim Marianën që nga koha kur ajo..
"Kështu është jeta" – kjo është motoja e koncertit më 19 nëntor, në të cilin kompozitori Stefan Dimitrov bashkon emra legjendarë si Bogdana..
Reshje
Vranësira
Reshje intensive