Një festival ndërkombëtar i ushqimeve tradicionale do të mbahet më 30 dhe 31 gusht pranë Varnës – në “Parkun Historik”, në fshatin Neofit Rilski. Në kuadër të festivalit do të nderohet edhe festa e pjellorisë Sabantuj, që banorët e Tatarstanit dhe bullgarët e Vollgës e festojnë prej shekujsh, pavarësisht nga vendi ku jetojnë në botë, tha në një konferencë për shtyp në Agjencinë Bullgare të Lajmeve kryetarja e shoqatës “Bullgarët e Vollgës”, Alfija Dimitrova. Ngjarja do të mbledhë pjesëmarrës nga etni të ndryshme dhe do të prezantojë një gamë të pasur kuzhinash kombëtare – si receta të lashta të bullgarëve të Vollgës, të ruajtura për shekuj me radhë, ashtu edhe kuzhina italiane, spanjolle dhe turke. Janë parashikuar gara sportive, përfshirë edhe luftën tradicionale dhe atë kanadeze, si dhe lojëra popullore familjare si gara me thasë etj.
Festivali do të shoqërohet me koncerte. Vizitorët do të kenë mundësinë të prekin nga afër zanatet tradicionale, si qeramika dhe endja. Përveç kësaj, ata do të mund të mësojnë sekretet e qitjes me hark, të kalërimit dhe të stërvitjes së zogjve grabitqarë për gjueti. Për fëmijët parashikohet një program i veçantë në kampin me jurta “Së bashku”, ku do të zhvillohen punëtori të ndryshme.
Festivali bashkon të kaluarën me të tashmen dhe të ardhmen, shtoi Albina Fasheeva, shefe kuzhine nga Kazani, e cila do të prezantojë receta të vjetra nga Bullgaria e Vollgës. Ajo do të mbajë edhe një kurs mjeshtëror ku çdokush mund të marrë pjesë dhe të mësojë si përgatitet një pjatë tradicionale e lashtë.
Bullgaria e Vollgës u themelua rreth vitit 660 nga Kotragu, biri i hanit Kubrat, i cili, pas shpërbërjes së Bullgarisë së Madhe të vjetër të Kubratit, u nis drejt veriut në krye të fisit protobullgar kotragë dhe u vendos përgjatë luginës së lumit Vollga të Mesme.
Lexoni më shumë nga arkivi i Radio Bullgarisë:
Redaktoi: Miglena Ivanova
Përgatiti në shqip dhe publikoi: Svetllana Dimitrova
Foto: Organizatorë
Për herë të parë, mjekë bullgarë të specializuar në riprodhimin e asistuar në Shqipëri, do të ofrojnë ndihmë mjekësore pa pagesë për çiftet me vështirësi riprodhuese. Iniciativa quhet: “Bullgaria dhe Shqipëria së bashku për një fëmijë më shumë të..
Nga data 7 deri më 9 nëntor, “Sofia Tech Park” është mikpritës i edicionit të dhjetë të CASSINI Hackathons & Mentoring, i organizuar nga Komisioni Evropian dhe Agjencia e Bashkimit Evropian për Programin Hapësinor (EUSPA). Parku shkencor-teknologjik..
Fertility Europe, rrjeti panevropian i shoqatave të pacientëve me probleme riprodhuese, shpalli fillimin e Javës së nëntë Evropiane të Fertilitetit 2025 , e cila zgjat deri më 9 nëntor. Fushata zhvillohet në të gjithë Evropën dhe do të kalojë nën moton..
E ashtuquajtura “Vulë e dygjuhësisë” u krijua në vitin 2011 në shtetin amerikan të Kalifornisë me idenë se, në kushtet e një ekonomie dhe marrëdhëniesh të..
Rasti me një qen të shkelur nga një mjek në një lagje të kryeqytetit shkaktoi një valë pakënaqësie publike dhe organizimin e një proteste në Sofje, e cila..
Vranësira të dendura
Pjesërisht me re
Mjegull