Para gazetarëve në Burgas, ku u lançua fushata kombëtare informative për eurozonën, Ministrja e Financave Temenuzhka Petkova theksoi se shpjegimet rreth euros nuk kanë për qëllim propagandën.

Ideja e fushatës, e organizuar nga Ministria e Financave dhe Banka Kombëtare Bullgare, është që qytetarët të marrin informacion të qartë, të detajuar dhe të besueshëm në lidhje me fazat kryesore dhe afatet e procesit të futjes së euros.

Me këtë fushatë, "ne duam të jemi pranë njerëzve, të japim një përgjigje - të saktë, objektive, të qartë, për të gjitha pyetjet që shqetësojnë shoqërinë bullgare. Qytetarët bullgarë duhet të dinë se Banka Kombëtare Bullgare do të konvertojë levat në euro pa një kufizim kohor, me kursin fiks prej 1.95583 për një kohë të pacaktuar dhe pa tarifa", tha Temenuzhka Petkova.

Lexoni më tepër në arkivin tonë:

• Avokati i Popullit dhe Instituti i Sigurimeve Shoqërore bëjnë një fushatë për të informuar të moshuarit rreth euros

• A e ngatërrojnë konsumatorin bullgar çmimet e dyfishta në euro dhe leva?

• Zyrtarisht jemi në eurozonë – a vazhdojnë shqetësimet mes bullgarëve?

Redaktoi: Darina Grigorova

Përgatiti në shqip dhe publikoi: Vesella Mançeva

Foto: BTA