Edhe këtë vit, adhuruesit e lutenicës së sapopërgatitur do të kenë mundësinë ta shijojnë këtë kryevepër të shijshme kulinarie në veprimtarinë tradicionale ku ajo është në qendër të vëmendjes – “Festivali Kurtovo Konare”. Programi përfshin një repertor të pasur muzikor, punëtori të ndryshme, projeksion filmi dhe një diskutim mbi pasojat e hedhjes së ushqimit – këto janë vetëm një pjesë e aktiviteteve që i presin vizitorët deri më 14 shtator. Çdo vit gjatë këtij aktiviteti zhvillohen edhe tre konkurse: “Mbretëresha e lutenicës”, “Stenda më e bukur” dhe “Ruajtësi i traditës”.

Ngjarjet realizohen me mbështetjen e Fondit Kombëtar për Kulturën, Komunës së qytetit Stambollijski, donatorëve privatë dhe vullnetarëve. Një recetë tradicionale për lutenicën nga fshati mund ta shihni këtu.

Receta për “mbretëreshën e salcave dhe konservave” gjenden në të gjithë vendin. Në një material nga koleksioni i Radio Bullgarisë mund të mësoni më shumë për mënyrën e përgatitjes së saj edhe në një vend tjetër – qytetin Zllatica.

• Vjeshta në Bullgari po vjen me aromën e specave të pjekura dhe një vëmendje të veçantë ndaj lutenicës

Në këtë vendbanim përveç një kulle ore 300-vjeçare, ka edhe një orkestër frymore shkollore e jashtëzakonshme – “Yjet që Marshojnë”, të cilët meritojnë vëmendjen e çdo vizitori, qoftë ai rastësor apo i qëllimshëm, në këtë qytet të vendosur midis maleve Stara Pllanina dhe Sredna Gora.

Lexoni ë shumë për lutenicën në arkivin e Radio Bullgarisë:

•  Stina e lutenicës

• Me paella ose si salcë qumështi - sesi Makiko imponoi lutenicën bullgare në Japoni

Përpiloi: Joan Kolev

Përgatiti në shqip dhe publikoi: Svetllana Dimitrova

Foto: Facebook /Kurtovo Konare Fest (arkiv)