Yjet e operës Sonia Jonçeva dhe Plácido Domingo do të sjellin në Sofje një galaktikë menaxherësh operash dhe 32 këngëtarësh të rinj operistikë nga 17 vende në 5 kontinente.

Konkursi më prestigjioz për yjet në ngritje të operës në botë – “Operalia”, do të mbahet për herë të parë në Bullgari. Organizator i edicionit është kompania e produksionit e Sonja Jonçevës. Sopranoja bullgare fitoi konkursin saktësisht 15 vjet më parë, në skenën e Skalës së Milanos.

Tenori legjendar spanjoll Plácido Domingo, i cili themeloi konkursin 33 vjet më parë, do të kryesojë jurinë prestigjioze dhe do të dirigjojë pjesën kushtuar interpretimit të zarzuelës. Bashkëorganizator i ngjarjes është Orkestra e Filarmonisë së Sofjes. 

Të gjitha raundet e konkursit do të mbahen në sallën “Bullgaria”, dhe maestro Najden Todorov do të dirigjojë koncertin gala të fundit, raporton BTA.

Mësoni më shumë për aktivitetet e përbashkëta të Sonja Jonçevës dhe Plácido Domingo në Bullgari nga arkivi ynë:

• Prima e operës Sonja Jonçeva do të ndajë skenën me José Carreras dhe Plácido Domingo në zemër të Sofjes sonte

• Yje të operës botërore në kryeqytetin bullgar

• Plácido Domingo do të këndojë për herë të tretë në Sofje

• Placido Domingo është mik i forumit të parë ndërkombëtar “Kultura dhe biznesi - bashkë në botën digjitale” në Sofje

Redaktoi: Ivo Ivanov

Përgatiti në shqip dhe publikoi: Vesella Mançeva

Foto: Facebook/SY11 Events