Kontrata me Kompaninë Shtetërore Energjetike Turke “BOTASH” detyroi “Bulgargaz” me mbi 600 milionë leva (300 milionë euro), që shoqëria nuk është në gjendje t’i paguajë. Këtë deklaroi kryeministri Rosen Zheljazkov në një forum energjetik në Sofje, duke u cituar nga BTA. “Gjatë 13 viteve, me potencialin dhe shkallëzimin e saj, kjo kontratë do t’i kushtonte shtetit rreth 6 miliardë leva (3 miliardë euro). Kur merret në konsideratë ky potencial i borxhit, duhet të bëhet pyetja se cili është potenciali i tij i të ardhurave. Pyetja kryesore është se deri në çfarë mase mbrohet interesi i shtetit”, tha Zheljazkov. Sipas tij, politikat e duhura janë baza për zhvillimin e qëndrueshëm të sektorit dhe kushti për një mjedis tërheqës investimesh. Zheljazkov theksoi se energjia nuk është më thjesht një burim, por valuta e re e politikës globale, duke përfshirë si prioritete zhvillimin e korridoreve të reja energjetike, kapaciteteve bërthamore dhe atyre balancuese.

Lexoni më shumë mbi temën në arkivin e Radio Bullgarisë:

• Qeveria miratoi marrëveshjen mes “Bullgargaz” dhe kompanisë turke “Botash”

• KE po kontrollon marrëveshjen e “Bullgargaz” me “Botash”

• PP-DB propozon që Agjencia Shtetërore e Sigurisë Kombëtare dhe Prokuroria të hetojnë kontratën me “Botash”-in për transferimin e gazit

• Raporti parlamentar për marrëveshjen me "Botash" paraqitet në prokuroritë bullgare dhe evropiane

• “Bulgargaz” vazhdon negociatat për ndryshimin e kontratës me kompaninë turke “Botash”

• Zheço Stankov: Duhet të paguajmë mbi 4 miliardë leva për të ndërprerë kontratën me “Botash”

Redaktoi: Ivo Ivanov

Përgatiti në shqip dhe publikoi: Svetllana Dimitrova

Foto: BTA