Dimana Mirçeva, e njohur si DIA, tërhoqi vëmendjen si nxënëse në Shkollën Kombëtare të Muzikës "Ljubomir Pipkov" në Sofje, kur interpretoi këngën e saj të parë origjinale.Që atëherë, ajo i interpreton këngët e saj me respekt për folklorin bullgar, duke mbështetur njëkohësisht edhe folklorin origjinal bashkëkohor.
Kënga e saj më e re - "Nga puthja nuk mbetet asnjë shenjë" - u krijua në bazë të një këngë bullgare më shumë se njëqindvjeçare. DIA e zbuloi atë në një përmbledhje këngësh popullore autentike, të përpiluara në vitin 1924. Kur pa titullin origjinal "Nga puthjanuk mbetet asnjë shenjë", këngëtarja u impresionua menjëherë, sepse për të tingëllonte si një magji, dhe e frymëzuar nga këto fjalë dhe historia pas tyre, ajo filloi të krijonte një tekst krejtësisht të ri. Dhe historia është si më poshtë:
"Në versionin origjinal të këngës flitet për një djalë që i jep vajzës dhurata të ndryshme, në mënyrë që ajo të pranojë të jetë е dashura e tij.Por në fund ai thotë: "Nuk do t'i jap këto dhurata, sepse nuk janë aq të vlefshme sa një puthje. Një puthje nuk lë gjurmë - shenja humbet, por puthja nuk harrohet." Kjo është ndoshta gjëja më e mirë që mund të japim si njerëz që duam dhe duam të na duan."
DIA zhvilloi tekstin dhe muzikën bazuar në këngën origjinale, kurse aranzhimi është përsëri vepër e Aleks Nushevit. Vokalet mbështetëse janë nga këngëtarja popullore Gabriella Millanova.
Lidhur me pamjen vizuale të këngës "Nga puthja nuk mbetet asnjë shenjë", DIA ndan:
"Videoklipi i këngës është one-shot, gjë për të cilën jam jashtëzakonisht krenare. Ky xhirim i pandërprerë më dha shumë, sepse në këto tre minuta duhet të jesh maksimalisht i disiplinuar, të jesh këtu, në vend, i përqendruar sa më shumë të jetë e mundur, në mënyrë që gjërat të funksionojnë. Ishte shumë frymëzuese për mua."
Përgatiti në shqip dhe publikoi: Vesella Mançeva
Foto: Facebook/DIA
E përfunduar në vitin 1940, drama e vallëzimit u shfaq për herë të parë më 4 janar 1942 në Operën e Sofjes nën drejtimin e dirigjentit Asen Najdenov. Libretisti dhe regjisor ishte Hrisan Cankov, koreografinë e bëri Maria Dimova – një..
Shtëpia e Kulturës “Boris Hristov” në qytetin e Plovdivit është nikoqire e edicionit të përvitshëm të Plovdiv Jazz Fest 2025. Nga sot deri më 9 nëntor, festivali mbledh muzikant xhaz nga Bullgaria dhe bota, duke ofruar një program të larmishëm me..
Një nga grupet vokale më të njohura të viteve 80-të të shekullit të kaluar – “Tonika SV” – shënon 45 vjet në skenë me një koncert të madh në Sofje. Më 8 nëntor, në Sallën 1 të Pallatit Kombëtar të Kulturës, do të tingëllojnë hitet më të mëdha të..
Popullarizimi dhe interpretimi i muzikës popullore bullgare prej kohësh është misioni i këngëtares, dirigjente dhe pedagoge, Neli Andreeva . Ajo..
“Çdo njeri beson ndryshe në Zot. Në forcën që ne e quajmë Zot” – thotë në një intervistë për gazetën “Trud” në vitin 2017 Janka Rupkina – një nga..
Më 16 nëntor 2025 në orën 19:30 në katedralen katolike "Shën Jozefi" në Sofje do të mbahet një koncert barok, i dedikuar festës së mbrojtëses së muzikës..
Pjesërisht me re
Vranësira të dendura
Mjegull