Duhet të mbështetemi mbi të vërtetën historike për të ndërtuar marrëdhënie të fqinjësisë së mirë me Maqedoninë e Veriut. Këtë e deklaroi presidenti Rumen Radev në Universitetin e Sofjes gjatë prezantimit të kopjes fototipike të veprës së çmuar etnografike-historike "Almanaku Maqedonas". Ky përmbledhës u botua në vitin 1940 në Indianapolis nga Organizata Patriotike Maqedonase në SHBA dhe Kanada.

Në fjalimin e tij, presidenti Radev theksoi se almanaku është një dëshmi e çmuar për kauzën e përjetshme të bullgarëve maqedonas dhe përpjekjet e tyre ndër vite për ruajtjen e identitetit dhe gjuhës bullgare mijëravjeçare. “Që të ndërtojmë marrëdhënie fqinjësore dhe besim të ndërsjellë me vëllezërit tanë nga Maqedonia e Veriut – duhet të mbështetemi në një gjë shumë të rëndësishme – dhe kjo është e vërteta historike. Ky almanak në mënyrë të qartë dhe të prerë tregon më të rëndësishmen – të vërtetën historike”, theksoi presidenti.

• Doc. Dr. Spas Tashev: Çdo "identitet maqedonas" përfshin edhe bullgarët

• Bullgarët maqedonas formojnë themelet e emigracionit vendas në Amerikën e Veriut

• "Sepse e dua atdheun tim"... filmi për Mara Bunevën arrin përtej oqeanit

Redaktoi: Ivo Ivanov

Përgatiti në shqip dhe publikoi: Svetllana Dimitrova

Foto: BTA