Këshilli i Ministrave miratoi ndryshimet në Marrëveshjen midis Bullgarisë dhe Maqedonisë së Veriut për përgatitjen, ndërtimin dhe funksionimin e një tuneli hekurudhor ndërkufitar. "Pas korrespondencës, u morën shënime nga pala e Maqedonisë së Veriut, të cilat qeveria bullgare i pranon dhe miraton dokumentin përfundimtar", raportoi shërbimi i shtypit i qeverisë.

U specifikua gjatësia e projektit të tunelit dhe shpërndarja e tij midis dy vendeve, si dhe fakti që pas vënies në punë, secila palë do të jetë përgjegjëse për mirëmbajtjen e pjesës së saj të objektit.

Nënshkrimi i marrëveshjes është një hap kyç drejt lidhjes së sistemeve hekurudhore të dy vendeve dhe përfundimit të korridorit hekurudhor Sofje - Shkup - Durrës - Bari, i cili është pjesë e korridorit të transportit Ballkani Perëndimor - Mesdheu Lindor dhe Korridorit strategjik 8. Dokumenti pritet të nënshkruhet deri në fund të vitit dhe më pas t'i dërgohet Komisionit Evropian dhe institucioneve financiare evropiane, raporton BGNES.

Redaktoi: Diana Cankova

Përgatiti në shqip dhe publikoi: Vesella Mançeva

Foto: Reuters