Vetëm dy ura lidhin Bullgarinë dhe Rumaninë përgjatë kufirit tonë të përbashkët lumor prej 475 kilometrash - ky është një deficit transporti dhe një "perde e hekurt" e re në BE. Kjo u theksua nga Zëvendëskryeministri dhe Ministri i Transportit Grozdan Karaxhov në një takim trepalësh me Zëvendës Ministrin e Transportit të Greqisë Konstantinos Kiranakis dhe Sekretarin e Shtetit në Ministrinë e Transportit të Rumanisë Horaţiu Cosma, raportoi qendra e shtypit e Ministrisë së Transportit.

"Nëse e përqendrojmë të gjithë trafikun në një pikë, në këtë rast Ruse-Giurgiu, humbasim të gjithë kapacitetin kur ka një bllokim trafiku në drejtimin jug-veri. Kjo nuk është një arkitekturë e qëndrueshme transporti. Ne kemi nevojë urgjente për të paktën një kalim tjetër në lindje përgjatë lumit, për shembull një urë në Silistra - Călăraşi ", tha Karaxhov.

Ai bëri thirrje për një marrëveshje të përshpejtuar midis tre vendeve për ndërtimin e objekteve shtesë të urave. "Ne duhet të lidhim Bukureshtin me Athinën dhe Aleksandropolisin me Odesën - kjo është detyra e përbashkët e tre vendeve tona", shtoi Karaxhov.

Konstantinos Kiranakis shprehu mbështetje për iniciativën dhe theksoi nevojën për veprime afatshkurtra deri në fund të vitit 2025.

Horaţiu Cosma theksoi se korridori Aleksandropolis-Ruse-Giurgiu-Moldavi është me rëndësi strategjike për Bukureshtin. "Çështja kryesore është financimi.

Redaktoi: Ivo Ivanov

Përgatiti në shqip dhe publikoi: Vesella Mançeva

Foto: mtc.government.bg