Mbi 86% e njerëzve mendojnë se rritja e pagave nuk është e mjaftueshme

Rritja e pagës minimale (PM) mbështetet nga 54.1% e bullgarëve. Një e treta e të anketuarve mendojnë se PM duhet të jetë e barabartë me pagën e nevojshme për jetesë. Këto tregojnë rezultatet e një sondazhi përfaqësues të agjencisë “Mjara”, i porositur nga Konfederata e Sindikatave të Pavarura në Bullgari.

Afro 19% e të anketuarve janë kundër rritjes së PM, ndërsa 27% janë të pavendosur.

Mbështetja për rritjen e PM është e lartë ndër të punësuarit në sektorin publik dhe privat, si dhe mes të papunëve. Më negativë ndaj rritjes së PM janë personat e vetëpunësuar dhe pronarët e bizneseve. Në buxhetin e shtetit për vitin 2026, PM e parashikuar rritet mbi 12%, duke arritur 620 euro.

86.1% e njerëzve mendojnë se rritja e pagave që kanë marrë gjatë këtij viti nuk është e mjaftueshme.

Redaktoi: Ivo Ivanov

Përgatiti në shqip: Svetllana Dimitrova

Foto: