Karlos Nasar u bë mbajtës i “Ikarit Sportiv” vitin e dytë me radhë

Kampion olimpik dhe botëror në ngritjen e peshave, Karlos Nasar është fitues i çmimit “Ikar Sportiv” nga Fondacioni “Sporti Bullgar” për të dytin vit radhazi.

Nasar fitoi këtë njohje me konsensus të plotë, duke u shpallur për herë të tretë kampion evropian në kampionatin e zhvilluar në Moldavi dhe duke marrë titullin botëror me rekord botëror në shtytjen në kategorinë deri 94 kg në Kampionatin Botëror në Norvegji.

Me konsensus të plotë, ekipi kombëtar i volejbollit për meshkuj fitoi “Ikarin Sportiv” për Ekipin e Vitit, pas vendit të dytë në Kampionatin Botëror në Filipine.

Për paraqitje mbresëlënëse u vlerësuan skiatori Albert Popov, i cili arriti fitore në sllallom në një garë të Kupës Botërore në Madonna di Campiglio, si dhe snowboardisti Tervell Zamfirov, kampion botëror në sllallom paralel për meshkuj.

Ceremonia e ndarjes së çmimeve “Ikar Sportiv” do të mbahet më 19 dhjetor.

Redaktoi: Miglena Ivanova

Përgatiti në shqip: Svetllana Dimitrova