Bullgaria mori 1,47 miliardë euro nga pagesa e tretë e PKRQ-së

Sot, 29 dhjetor, vendi ynë ka marrë pagesën e tretë sipas Planit Kombëtar të Rimëkëmbjes dhe Qëndrueshmërisë (PKRQ) në vlerë prej 1,47 miliardë euro. Pagesa u krye pasi Komisioni Evropian vlerësoi si të përmbushura 48 nga gjithsej 50 etapa dhe objektiva të përfshira në kërkesën për pagesë.

Kërkesa e tretë për pagesë sipas PKRQ përfshin 22 reforma dhe 19 investime dhe është më e madhja e dorëzuar deri tani. Masat kryesore të raportuara me të lidhen me vazhdimin e reformave në fusha si kërkimet shkencore dhe inovacioni, dekarbonizimi, prokurimet publike, përmirësimi i kuadrit të menaxhimit të ndërmarrjeve shtetërore, zhvillimi i qeverisjes elektronike dhe shëndetësisë elektronike, e të tjera.

 

Redaktoi: Miglena Ivanova

Përgatiti në shqip: Vesella Mançeva