Bullgaria shënoi nivelin më të ulët të refuzimeve për viza për SHBA

Bullgaria ka regjistruar një nivel të ri rekordisht të ulët të refuzimeve për viza turistike dhe biznesi për SHBA gjatë vitit financiar amerikan 2025. Këtë e tregojnë të dhënat zyrtare të publikuara sot, 16 janar, nga Departamenti i Shtetit, njoftoi MPJ.

Përqindja e arritur prej 5.11% është niveli më i ulët i refuzimeve për vendin tonë në pothuajse dy dekada, menjëherë pas rënies rekord të shënuar vitin financiar të kaluar. Kjo tregon qartë se Bullgaria po shënon përparim të qëndrueshëm në përmbushjen e këtij kriteri kryesor për përfshirjen e vendit në Programin Amerikan për Udhëtim pa Viza.

Ministri i Jashtëm në dorëheqje, Georg Georgiev, falënderoi bullgarët për qasjen e përgjegjshme ndaj procesit të aplikimit. Ministria e Punëve të Jashtme thekson se me vlera kaq të ulëta, çdo refuzim individual ndikon në rezultatin kombëtar, i cili nuk duhet të tejkalojë 3%.

 

Redaktoi: Miglena Ivanova

Përgatiti në shqip: Vesella Mançeva