Qendra e Arkeologjisë Nënujore bëhet institut nën kujdestarinë e UNESCO-s

Qendra e Arkeologjisë Nënujore në Sozopoll zyrtarisht bëhet Institut i Trashëgimisë Nënujore i kategorisë 2 nën egjidën e UNESCO-s, njoftoi Ministria e Kulturës. Marrëveshja për këtë status, e vlefshme për një periudhë prej tetë vitesh, u nënshkrua nga ministri i kulturës, Marian Baçev, dhe drejtori i përgjithshëm i UNESCO-s, Khaled El-Enani, në selinë qendrore të UNESCO-s në Paris.

Me këtë akt, Bullgaria forcon pozitën e saj si një shtet udhëheqës në fushën e arkeologjisë nënujore dhe të mbrojtjes së trashëgimisë kulturore nënujore në rajonin e Detit të Zi dhe të Danubit të Poshtëm, theksojnë nga ministria. Falë kësaj njohjeje, instituti do të luajë një rol kyç në avancimin e menaxhimit të qëndrueshëm të trashëgimisë kulturore, në rritjen e kulturës dhe njohurive që lidhen me kërkimet oqeanografike, si edhe në bashkëpunimin shkencor. Ai do të kontribuojë në mënyrë aktive edhe në luftën kundër trafikut të paligjshëm të vlerave kulturore.

• Pritetvendimi i UNESCO-s për Qendrën për Arkeologji Nënujore në Sozopoll

Redaktoi: Miglena Ivanova

Përgatiti në shqip: Svetllana Dimitrova